4minute《HUH》一推出　即刻紅到去日本開騷

韓風有一段時間不止吹襲香港，連日本市場亦照樣攻陷，甚至連歌曲都要轉做日文版，認真誇張。而4minute就正正係其中一隊早期打入日本市場嘅韓國女團。2010年，4minute推出第二張迷你專輯《Hit Your Heart》，主打歌《HUH》一個月內就成為咗音樂節目《M! Countdown》嘅第一位。而《HUH》更加被收錄喺7月嘅日版Single《I My Me Mine》當中，雖然冇改做日文版，不過一樣受歡迎。同年，佢哋更加去到日本舉行巡迴演唱會，吸咗唔少日本Fans！

講返《HUH》嘅MV，最觸目就不能不提4minute全員都著住tube top加Jumpsuit，你話我偏心都好，我就覺得泫雅著得最好睇啦！所以嗰年特別多女仔著住Jumpsuit行出街。而《HUH》亦即係專輯名字《Hit Your Heart》嘅簡寫，唔知大家睇完MV又有冇畀呢首歌衝擊到你嘅心臟呢？