蔚雨芯出新歌想搞字母系列 《Cc》竟然係咁解！
撰文：黃浩晉
出版：更新：
歌手尉雨芯早前推出新歌《Cc》，承接上一季歌曲《BB》的成績所以再次用上疊字英文字母為歌名。《BB》一曲主題圍繞短訊及情侶間親暱的稱呼，是一個傷心的愛情小品；今次《Cc》同樣是講述情侶間分手的故事，卻以電郵作主題，講述對方提出分手還要send一封Cc(副本)給新情人一事。
近日除咗推出新歌，Rainky亦現身於巴黎時裝周。
+4
雖然《Cc》在講述一個慘情的故事，但在網絡上「CC」一詞有另一個意思解作「私鐘妹」，尉雨芯會否怕歌名引起網民誤解或者當作笑柄？尉雨芯驚訝表示「係咩？你唔講我都唔知喎，我唔識嘢呀，如果得罪咗班網民我講聲對唔住先！」雖說尉雨芯未知「CC」一詞其他意思，但製作歌曲開會討論時有否想過這方面，或是否出名鬼馬的填詞人小克別有用心玩「標題黨」？尉雨芯笑謂：「鬼馬呀佢！冇呀，其實討論做歌嗰陣都淨係諗到電郵呢個主題。」
Rainky表示《CC》的主題是有關電郵，卻從來不知道原來二字背後有其他意思。
《Cc》一曲與《BB》的製作班底一樣，由小克填詞和Mark Lui雷頌德負責曲、編、監，尉雨芯又透露「字母系列」歌曲會陸續推出，正籌備快歌《DD》，她表示：「上次《BB》一出嚟個成績唔錯，所以就再下一城做《Cc》呢首歌。其實我最初聽到都邐咁咪會有《DD》、《EE》？我唔要做EE(姨姨)呀！哈哈！」
尉雨芯提到自己在《Cc》錄音時的心情：「如果歌入面嘅故事發生喺我身上面，我會剷到嗰個人上天花板都似呀！哈哈！我唔會sad係會嬲囉！」尉雨芯又講到自己戀愛經驗不足，要靠幻想去拿捏情感：「講真我24歲俾人飛過幾多次吖？要演繹個咁sad嘅故仔都有啲尷尬，阿Mark就叫我盡量sad啲，同埋好識搵到我最真實把聲去錄。」
有見上一首歌《BB》反應不俗，故此才有了《CC》，並打算做一個字母系列，不過Rainky笑說不想做《EE》。