張敬軒正式回歸樂壇 復出玩古典樂夠Gimmick

撰文:
最後更新日期:

張敬軒昨晚到紅磡綵排,為星期日沙田新城市廣場Music in Town活動作準備,現場有二胡女演奏家陳璧沁及超過30位管弦樂手一同排練。

軒仔與二胡女演奏家陳璧沁及管弦樂手合作相當投契。 (梁碧玲攝)

軒仔與在場樂手排練《酷愛》一曲,以管弦樂為主的編曲比起原本的編曲更豐富,層次鮮明,而且每一個action位更震撼。即使是綵排軒仔亦非常投入,交足功課,高音位更唱到現青筋,十分落力演唱。

軒仔落力演唱,唱到頸現青筋。 (梁碧玲攝)

接受訪問時,軒仔提到今年是自己入行15年,這次與交響樂團合作是一個kickoff,正式出返嚟做嘢。被問到他早前曾提及希望學習更多古典樂知識,今次合作是否一個好機會?軒仔表示:「今年都同好多同Classical單位合作嘅機會,除咗今次(新城市廣場的演出),又有另一個交響樂團嘅合作,係幾好嘅。」

早排傳出軒仔暫別樂壇嘅消息,嚇親唔少樂迷,不過話咁快佢又出返嚟做嘢啦! (梁碧玲攝)

軒仔又提到家中愛犬情況開始穩定,早前更找來動物傳心師了解狀況,他指愛犬知道自己行動不便不希拖累軒仔。被問到動物傳心會否與宗教有衝突?軒仔表示:「我唔會否定佢嘅存在,有朋友真係因為呢個傳心師搵番佢隻狗仔,仲要講得出呢隻狗仔當時個環境有咩特徵,有咩地標係好specific。」

軒仔為咗家中愛犬搵咗動物傳心師了解身體狀況,仲話唔會否定動物傳心師嘅存在。 (梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。