【一首歌】張學友《餓狼傳說》 「洶湧的愛撲著我盡力亂吻亂纏」
撰文：黃浩晉
出版：更新：
張學友已經56歲仲可以喺舞台上面又唱又跳，不愧係歌神！(視覺中國圖片)
張學友有名你叫「歌神」當然多金曲啦，除咗《愛是永恆》、《你的名字我的姓氏》等等冧歌之外，仲有啲夠勁夠快嘅作品，好似今晚介紹嘅《餓狼傳說》一樣。
唔講唔覺原來《餓狼傳說》已經面世超過廿年，不過時至今日仍然好多人翻唱，就連小朋友都聽過，你睇林昇湋喺《超級巨聲2》入面翻唱就知啦。不過咁，如果你嫌林昇湋嘅版本有啲惡搞味，不妨聽下胡琳收錄於《Jazz them up ONCE MORE》嘅版本；想聽有力量爆發力強就可以聽張靚穎參加《我是歌手》嘅版本。正所謂：「有辣有唔辣任君選擇。」
值得一提嘅係，上年學友喺紅館開騷都有唱，而且冇降key冇變慢，照舊又唱又跳，點睇出學友已經56歲呢？所以話「歌神」呢個名並唔係浪得虛名㗎！