要數共鳴情歌，要數許志安（安仔）的真是多到一籮籮，《如喜歡妳是妳》、《唯獨妳是不可取替》、《愛你》等等。無論那個年代推出的，他總會有一首hit中你的心。不過要數安仔近年的共鳴情歌，不知道你又記唔記得《你的男人》呢？
《你的男人》收錄在安仔於2014年推出的大碟《新天地》內。也是該唱片的第四首派台作品。該張唱片大家最記得相信會是三台冠軍歌《流淚行勝利道》。歌曲《你的男人》並不如安仔以往的示愛作品。歌詞內容比以往更為內斂，不是那種要明目張膽地示愛，反而是要為將來而去學習成為一位有膊頭、有責任的男人。MV找來楊詩敏（蝦頭）及劉守正演繹拍拖多年的情侶。以貼地的題材探討一對情侶因為金錢問題把人生大事擱置而吵架，最後卻因為男主角為對方而改變，積極儲錢結婚。
我盡力學習成為男人／有了你我會做事認真珍惜一個人 終於改變一個人／愛情令缺點有了知音你就是動力成全人生／無論充裕或苦困毫無異心虔誠為你爭取滿分／我專心替你一世護蔭
由張衞健（Dicky）、許志安、蘇永康和梁漢文（Edmond）組成的BIG FOUR，將於今年8月9至11日在紅館舉行《BIG FOUR HAPPY TO SEE YOU ALL演唱會2025》。相隔12年BIG FOUR合體再踏紅館舞台，台前幕後陣容強勁，演唱會海報重金禮聘林海峰（Jan）擔任創意大腦，星級攝影師夏永康親自操刀，捕捉四子最Man、最有型、最突顯他們超過30年的真摯友情，化作正能量散播出去。
Dicky爆料「BIG FOUR」由Jan命名。他說：「我哋第一張演唱會海報，4個人咬住一支玫瑰花嗰張，就係由Jan幫我哋做。好開心今次我哋三顧草廬，邀請到佢出山。」Jan幽默回應：「嗰次演唱會喺2010年，即係隔咗15年先至有第二個job，都算係咁，我都終於發市！」2013年他們舉行第二次紅館演唱會，至今相隔12年。
今次演唱會「HAPPY TO SEE YOU ALL 」再由Jan命名，他笑言：「原本諗住佢哋咁耐無見大家，想用『BIG FOUR無穿無爛演唱會』，但中文名呢個唔係幾好，不如諗個英文名，就叫『BIG FOUR BODY CHECK演唱會』，每次上台都係你哋同觀眾嘅一次體檢。」Dicky補充：「唔（做）騷唔知身體好！」Edmond說：「BIG FOUR係我哋嘅『根』，咁耐無見，梗係要一齊搞啲正嘢畀大家啦！」令人非常期待。
喜愛時裝，經常為BIG FOUR扮靚的蘇永康，被Jan問他今次四子造型？他說：「都要問過你（Jan）先！好開心又再同大家襯衫襯飾物。（困難嗎？）困難喺我度，我依家嘅size畀唔到佢哋用，除咗啲披肩圍巾之外。（要加拐杖嗎？護㬹、護膝？）好彩，仲未需要！」Jan笑指安仔低胸上陣，安仔即掩住心口，拉開話題：「雖然我哋也成日見面，但一齊喺舞台上出現，真係好耐無感受到，直到今日一齊影海報，感覺到個力量返嚟啦！」
海報拍攝期間，現場播放多首有關友情的歌曲，Jan笑說：「最初揀咗《監獄風雲》首歌《友誼之光》，諗住播呢啲歌幫佢哋帶入情緒，後嚟發覺都唔需要，佢哋四個好快就好自然咁入咗嗰個氛圍，呢個就係大家都好想喺台上見到佢哋俾大家嘅感覺。尤其是Dicky，佢好清楚我想大家表達乜嘢，一直帶住大家，始終都係最大（年紀）。」Dicky一臉認真，扮作有感而發，說：「長輩嘛，『牽牛上樹』係有啲難度，仲要係三隻牛，但係佢哋都算乖、聽話！」
事隔12年，BIG FOUR不但成家立室，蘇永康更炎嫩升爸爸，問他如何湊仔又開騷？他說：「輪到佢就返我一次啦！囝囝自出生開始，成日見到呢三位叔叔，又分別睇過佢哋唱歌，但未見過我哋四個同台表演。」Edmond爆料：「佢成日迫個仔睇架！」一人一句，現場充滿笑聲。Dicky說：「BIG FIUR走埋一齊，自自然然就會帶到快樂畀大家，經過咁多年月之後，希望今次除咗快樂，大家有更多得著。」Jan以醇酒形容他們的友誼和情懷。