【音樂精讀班】吳浩康教你唱歌點先好聽:唔好做「好假的肥仔」!

撰文:彭嘉彬
出版:更新:

曾經,吳浩康的歌曲是一眾男生在K房及歌唱比賽中的追求,他每首歌曲中的真假音轉換沒有相當技巧是掌控不了。所以當時他的歌曲大概為男生的歌唱功力劃分了三得等級:唱不到、唱得到、唱得好。
的確唱歌不單是講求天份,有天份可能令你唱得到,但絕對需要一定技巧才能進一步唱得好。
攝影:黃國立

臨近吳浩康舉行個人演唱會,為了讓樂迷重溫各首他的代表作,並能在演唱會中與他大合唱。由今日開始,一連五日吳浩康將在《香港01》為大家開辦「音樂精讀班」,選擇了五首阿Deep經常被問到的高難度歌曲,與樂迷分享唱歌小竅門。

曾為吳浩康寫出《棋王》、《先入為主》、《浪漫時代》等主打作品的音樂人陳思捷,在上堂當天為阿Deep伴奏,二人甚有默契。

唱歌切忌似「好假的肥仔」

第一集,阿Deep首先會講解一下新歌《較早前錄影》。阿Deep表示,要成為一個好歌手,應該把歌曲的開端也唱好。不少K迷會習慣聚焦在歌曲的副歌上,而其他部份則沒有研究怎樣唱好,可想而之有多少人能有耐性聽到副歌的部份?阿Deep更表示要唱好歌曲的開首,原來不能太「唱歌」:「好多人演繹呢類情歌嘅時候,會刻意用唱歌嘅方式去表達情感,好似朗誦咁,結果非常嬌柔造作。其實流行聲樂中有一種技巧叫『Speech Level Singing』,便是在唱歌時表達得像平時說話一樣,不要太用力,情感便能自然流露。」

例如《較早前錄影》中的一句「很討你厭的他 回到家披一身雪花」,不少人也會在「披」字上特別用力,甚至轉音,很容易讓人有過火的感覺。不過阿Deep則表示,其實這個位置正常地好好唱就行。

阿Deep表示唱歌切忌好似朗誦咁用力,否則好容易令人有過火嘅感覺。

不懂換氣的歌手就像「沒油的車」

而大家最為關心的副歌部份,阿Deep則認為呼吸位至為重要:「好多人話自己唱歌唔夠氣,其實有好多原因嘅。例如有冇喺適當地方唞氣,又或者大家對唞氣嘅概念又啱唔啱呢?唔少人鐘意喺開口唱歌前一刻先吸氣,但吸太快,啲氣最多只能夠去到喉嚨位置,根本落唔到肺部同丹田。而呼吸係管理唱歌大部份技巧,唔識得唞氣嘅歌手,就好似一架冇油嘅車行唔到。」他更以《較早前錄影》為例:「我錄音嘅時候,會連住唱『就恨從前事早被錄影 舊錄影 常回帶逼你看清他那過去劣根性』然後先唞氣。不過唱Live嘅時候,為咗安全同穩定,我會喺『就恨從前事早被錄影 舊錄影』之後吸一啖氣先。咁樣會唱得比較輕鬆。」

阿Deep教路,歌手一定要識搵唞氣位,否則就會像「冇油的車」。
聽埋阿Deep親自示範一次,返去記得溫書,記得聽日唔好走堂呀!

[吳浩康Listen to Deep Live 2017]
快達票網頁www.hkticketing.com

或致電 (852) 31288 288查詢