《長相廝守》攞完獎係落力啲! ToNick九展開騷全場跳到癲

撰文:
最後更新日期:

樂隊ToNick今日在九展Star Hall舉行《不停站》演唱會,即使全場企位樂迷亦一樣投入又唱又跳,一齊「玩到跳掣」。今年ToNick勢頭強勁,《長相廝守》一曲大受歡迎,更先拔頭籌於十大中文金曲得獎;另外又入圍叱咤我最喜愛歌曲最後10強喜事連連,難怪ToNick四人在台上表現更落力。

ToNick打頭陣一唱《3ree》即刻炒熱全場氣氛。(攝:黃國立)

雖然《長相廝守》爆紅,但ToNick照樣有玩早期作品《窮》、《雪糕糯米糍》、《講咩都錯》、《瀨嘢》、《What A Sunny Day》等等照顧樂迷需要。ToNick一向予人熱血「咩都夠膽死」的感覺,雖然演唱會到晚上8點50分才開始,比原定時間delay不少,但他們一出場便炒熱全場氣氛,主音恆仔大叫:「今晚唔好慳力同我哋玩盡佢呀!」樂迷當然交足反應邊跳邊高舉搖滾手勢,跳唔郁就跟住拍手,無論拍子幾快幾慢都跟到足,就連歌曲action位都冇甩,果然溫晒書先入場。
 

一聽到《雪糕糯米糍》、《瀨嘢》同《窮》呢啲早期作品,全場即刻跳到癲。(攝:黃國立)

一出場玩完《3ree》、《雪糕糯米糍》、《瀨嘢》,恆仔本身打算介紹演唱會主題點知甩鞋帶,鼓手晨曦即刻出聲:「我諗住打救你哋,兄弟有難梗係要幫手!」聽到呢到,真係要講一句「係愛呀哈利!」唱到《窮》時,主音恆仔忍唔住插水,雖然佢叫樂迷送佢返上台,但樂迷一於少理,將恆仔送到觀眾席最尾。

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。