【叱咤】側田at17隔8年再上叱咤舞台 回歸香港樂壇好熱鬧
撰文：彭嘉彬
出版：更新：
《2017年度叱咤樂壇流行榜頒獎典禮》其中一個焦點項目，就係「專業推介．叱咤十大」。吳業坤、側田、at17分別得第十至第八位獎項，主持人宣布側田上台領獎時表示他已事隔8年方再奪得叱咤獎項，翻查一下，原來側田對上一個叱咤獎已是09年的「叱咤樂壇唱作人銀獎」。而他在台上亦憶述：「對上一次攞『叱咤十大』呢個獎，我好記得已經係10年前嘅《男人KTV》。而今年《不經不覺》呢首歌有一句歌詞『捱過杯葛方了解到需要知己』，我想將呢首歌送俾幫過我一把嘅人。」
好耐無聽過側田喺叱咤台上唱歌！ (網絡擷圖)
而緊接側田得到「專業推介．叱咤十大」第七位的at17，同樣在09年曾得到「叱咤樂壇組合銅獎」，她們在台上憶述：「呢一個係我哋出道15年第一個叱咤十大獎，我哋對住Wyman許咗一個願，就係想攞叱咤十大。我哋終於攞到，多謝Wyman。其實辛苦同辛酸係我哋嘅責任，有得做音樂係我哋嘅福氣。」
一重組出歌就有獎攞！ (網絡擷圖)