【叱咤】李幸倪奪第一個歌曲獎　成功突破譚校長燈神魔咒

係呀！又係叱咤頒獎禮嘅時候喇！嚟到專業推介第七位，就係李幸倪Gin Lee攞到！遠睇就以為係阿嬌上台！然後佢就喺台上講得獎感言，佢係第一次拎到呢個歌曲獎，所以佢都覺得得來不易。另一件再重要嘅事，就係佢突破咗譚校長嘅點名讚賞魔咒，得到第一個歌曲獎，實在值得高興。

李幸倪係歌唱比賽出身，所以唱Live功力就不容置疑喇。佢唱出得獎歌曲《和每天說再見》自然都係超水準，比起同場都好唱得嘅衛蘭、側田，都係有得揮㗎！算係全場嚟講，唱得最好嘅歌手呀！