謝霆鋒回歸音壇開記招耗資過百萬人仔 Mani帶刀叉跪求開演唱會
撰文：黃浩晉
出版：更新：
日前叱咤頒獎禮上，謝霆鋒驚喜現身拍住Supper Moment及觸執毛為觀眾帶來一段搖滾演出，霆鋒更攞起結他唱《活著VIVA》，再彈「單線Solo」。除此以外，更唱出半首新歌《有火》讓大家先聽為快；而完整版MV亦於今日推出，讓樂迷原汁原味聽一次。除此之外，今日霆鋒於北京舉行記者會，宣佈今年將回歸音樂這個原點，騰訊音樂娛樂集團副總裁吳偉林、英皇娛樂營運總裁Mani霍汶希等人都有出席。
迷你火結他呀！幾時先會見到霆鋒攞真嘅火結他出場呢？
霆鋒耗資過百萬人民幣，架起一個大型會場舉行記者會，場館內有他不同時期的經典造型及MV。霆鋒一出場就唱出主打歌《異想天開》(《有火》國語版)，他表示：「到依家為止我錄好幾首作品，仲未創作完，可能要去外國唔同地方錄音呀，就係為特地去錄結他聲呀、弦樂呀等等。」霆鋒更表示會出音樂相關的產品：「我唔敢話係專輯，但我確實喺音上面有好多想法，如果有新的好意念帶到俾大家，有更好的創作的話，都會有出product嘅可能。」
霆鋒花過百萬架起場館舉行記者會。
記者會上，多位歌手都有拍片支持，如：陳偉霆、Twins、關智斌等等，連前輩陶喆也表示︰「非常期待Nicholas要飆一下結他！」而出名鬼馬的陳奕迅竟然一本正經地介紹新歌，真係估佢唔到。
Mani更在記者會上代fans跪求霆鋒開演唱會，同時帶來一張附有刀刀叉叉的唱片，她搞笑說︰「我呢份禮物係想講，如果霆鋒肯開演唱會，佢用上面嘅刀刀叉叉掟我都得！」
不過霆鋒回應想搞美食音樂節：「我覺得現今大眾聽音樂同時追求一種體驗，所以我地未來嘅方向，可能搞一個美食音樂節，入場人士都可以品嘗到我為大家喺世界各地挑選嘅美食，亦會有我創作嘅全新菜式，當然每晚嘅重頭戲就係音樂會，不過要揾到適合嘅場地係目前最困難嘅！」
Mani帶一隻貼滿刀叉的唱片「求」霆鋒開演唱會。