【專訪】陳曉東生活講規則 教女好有威嚴：唔準扭計唔食飯
自2008年後離開香港樂壇，到北京發展演藝事業。近年主力內地拍劇的他，最近因在《流行經典50年》一度成為網民熱話，不少人表示他的無論會外型或是唱功也是十年如一日。陳曉東最近先後推出《亂了星座》（廣東版）及《時間做證》，除了宣佈正式回歸香港樂壇外，更渴望完成2003年本應已可完成的夢想一一紅館個唱。
攝影：陳順禎
髮型：Tan Lo @let’s makeup
化妝：Jenny Man
服裝：Ermenegildo Zegna
場地：Honbo
42歲的陳曉東（東東），如果用「不老傳說」來形容他相信會有不少人認同。對於「不老傳說」的由來，東東認為與他「貪靚」無關，反而是自我紀律性，「我從來都唔會俾自己肥，肥過一條線我就會不斷做運動，我要一直保住自己嘅體能，有體能拍戲自然會精神，咁樣先係一個專業嘅藝人。」東東人前人後非常隨和，不過生活作息卻非常紀律性，他表示不必要的應酬飯局可免則免，因為要成為專業歌手或演員，生活習慣尤其重要。更何況他的老婆（王妤嫻）與兩位囡囡定居北京、爸爸住在上海，他不時因工作、家庭要過「飛人」生活。
除了有紀律的生活習慣，東東對著老婆與兩位愛女也是非常有原則，「我係屋企係主導權嘅人，就算喺我兄弟姊妹入面我都係老大。而我都要訓練我太太成為一位咁嘅人，所以我會同佢訂一啲規則。」談到這裡，東東笑說這些規則是一定要有，「屋企要乾淨、玩具唔可以一地都係、因為北京天氣乾燥所以要保持屋企濕度、小朋友唔準扭計唔食飯、小朋友晚上一定要刷牙、小朋友要準時瞓覺。」
談到家庭，東東越來越起勁，他續說：「囡囡最多一日食一粒朱古力，聖誕節我會買一盒送比佢哋、仲有一人一排益力多。」小朋友興趣自小就需要培養，對東東而言，氣質與修養對女孩子很埸要，他希望囡囡10歲前可以培養跳舞的興趣，因為10歲後她自然會開始有更多的想法。他又打趣表示唔介意囡囡未成年拍拖：「如果個囡拍拖我會先帶佢去箍牙，破壞佢過早戀愛，哈哈哈！」
陳曉東（東東）曾唱過多首少男情懷之作，如：《一萬年》、《劃火柴》、《心有獨鍾》及《水瓶座》等。今次回歸香港樂壇主要目的是一完紅館夢，他將於2月在澳門舉行他的首站演唱會，其後會陸續做多站巡迴。然而，他已並紙紅館申請檔期，希望香港紅館舞台能成為其中一站。他又透露，今次演唱會的名為「Planet XT」，是一個集合科幻及情歌元素的演唱會，概念是來自上年NASA（美國太空總署）官方承認神秘的第九行星。