黎瑞恩紅館騷想同囡囡一齊跳少女時代：可惜夾唔啱時間
撰文：黃浩晉
出版：更新：
小恩子感恩樂迷與朋友多年來一直支持。（張穎倫攝）
黎瑞恩今日到尖沙咀舉行《感恩有你演唱會2018》記者會，小恩子闊別5年再開騷並以「感恩」為題，多謝大家的支持。小恩子在台上說：「我喺呢個樂壇唔係好耐，又出又入咁，多謝大家咁多年嚟仲會聽我嘅歌。請嘉賓方面，我本身係打電話同啲朋友傾偈，佢哋主動問使唔使幫手，自動請纓，真係好感恩！」
小恩子又透露今次演唱會跳舞為樂迷送上驚喜，她說：「其實我跳舞都好叻嘅，哈哈！今次仲會跳得幾勁添！」當主持問到會否邀請囡囡上台跳K Pop？小恩子則笑言：「但係我冇歌係K Pop喎！哈哈！」另外，小恩子捐出部份歌酬予香流腎臟基金會，購買更先進的洗腎儀器協助有需要的病患者。
小恩子捐款予香港腎臟基金會購買更先進的洗腎儀器。（張穎倫攝）
小恩子接受訪問時，被問到距離演唱會還有不足3個月，期間又有新專輯發布，會否感到很大壓力？她表示：「呢個月真係好忙，演唱會開會、新碟宣傳呢啲嘢堆晒喺今個月做。」會如何分配時間陪伴子女？小恩子直言：「好難！不過佢哋都明白嘅，有時佢哋會陪我一齊做嘢。」
演唱會嘉賓方面，小恩子想過在台上與囡囡跳K Pop可惜就唔到時間：「本身有諗過同阿囡加埋啲同學一齊跳少女時代『Tell Me Why～』嗰首《Lion Heart》嘅。不過夾唔到時間，佢今個月尾要返澳洲。唯有下一次再有機會開演唱會，睇下可唔可以一齊夾一part。」另外，小恩子與樂隊sp'ACE之前經合作一齊開Live，那會否請他們作嘉賓？她表示：「會呀！我都好希望有一part同佢哋一齊玩，因為大家都好夾，就好似家姊同細佬一齊玩咁，到時應該會唱Rock嘢！加上佢哋都係第一次喺紅館表演，應該係一個幾好嘅經驗！」
小恩子想喺紅館騷同囡囡一齊跳K Pop，可惜夾唔啱時間。(張穎倫攝)