《活著VIVA》都有嘢練㗎! 星級樂手Jason Kui話你知有咩技巧

撰文:黃浩晉
出版:更新:

拎起結他唱歌嘅謝霆鋒返嚟喇!

謝霆鋒最近「回歸樂壇」推出新歌《有火》兼且頻頻表演曝光,他唱過《玉蝴蝶》、《非走不可》、《遊樂場》、《潛龍勿用》等等經典作品;不過大家第一時間都會聯想到《活著VIVA》,事關《活著VIVA》的「單線Solo」被人講足咁多年。很多人都指段Solo用一條線彈晒冇咩技術,又指霆鋒chok晒樣彈扮Rock。

到底《活著VIVA》是否如大家所說一樣沒有技術、沒有養份呢?

提起謝霆鋒大家很自然想起《活著VIVA》一曲。

之前在叱咤頒獎禮上霆鋒與Supper Moment及觸執毛聯手玩《活著VIVA》,當時Supper Moment結他手阿雞都解釋過「單線Solo」的難度:「你要彈得準140 bpm嘅16分(音符),兼且空弦同撳落去都要準係超級難!所以唔好再話呢個Solo易,一啲都唔易!」(傳送門)

Supper Moment結他手阿雞之前解釋過「單線Solo」的難度。

與霆鋒一同到台灣參「KKBOX風雲榜」表演的結他手Jason Kui昨日拍片,分享《活著VIVA》中一段他很喜歡的guitar riff(樂句)。未揭曉是《活著VIVA》之前,Jason Kui介紹:「呢段riff包含一個好特別嘅重覆節奏,同埋一啲open string(空弦)的技巧。」

睇下Jason Kui點講《活著VIVA》

Jason Kui又提到其實《活著VIVA》中還有其他有趣的guitar riff,大家不妨研究下。再講,雖然《活著VIVA》笑足咁多年,但又有幾多人係執完首歌再逐點去笑先?批評人之前不如真係睇下首歌係咪真係咁冇營養先再落定論啦。

你可能感興趣