【冷知識】滑板踩到殘唔一定要掉 用嚟整結他都可以好聲!

撰文:
最後更新日期:

滑板畢竟都係消耗品,踩到殘、踩到爛之後,掉咗佢又好似有啲嘥,但唔掉又要搵空間擺,感覺有啲雞肋。不過,只要你有技術和器材配合,就可以將滑板製作成電結他,賦予佢哋第二生命。日前Discovery Channel facebook出post,介紹製作過程。

用舊滑板製作結他步驟大致如下:

1.移除輪架等金屬組件後,用熱力移除表面的砂紙

2.打磨走表面的塗層

3.切割板頭板尾,只餘中間長方形的部份

4.以木工膠水黏合幾塊舊滑板,並以液壓機加壓,成為有足夠厚度木板

5.待膠水乾涸後,根據樣板切割成理想形狀

6.以同樣方法製作琴頸,組裝電子零件,進行打磨、上色等微調便完成

幾塊用到殘嘅滑板都可以變成咁靚嘅結他,真係估你唔到!(網絡圖片)

滑板大多都是以Maple(楓木)製作,同樣是結他常用的木材之一,但有人會質疑始終是「夾板木」,音色會比不上傳統實木製作的電結他。但Discovery Channel的小編回覆網民指:「這關於將已失去原本用途的木材循環再用,而非耗用新的木材。」其實好唔好聲,唔單單又材料去決定,還有其他因素控制,2015年Fender Custom Shop試過用紙板為材質製作電結他,一樣可以好好聲。

Discovery Channel的編輯回覆網民指:「這關於將已失去原本用途的木材循環再用,而非耗用新的木材。」

「2015年Fender Custom Shop試過用紙板為材質製作電結他」


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。