【召喚五迷】五月天宣布母親節加開1場　329成軍紀念日公開發售

五月天同香港歌迷獨有嘅「五月之約」，今年首度移師戶外舉行，更成為首隊攻佔迪士尼開騷嘅。儘管位置多咗但5場門票一樣被秒殺，五迷們繼續哀鴻遍野。主辦單位呢日宣布加開1場，喺正母親節，呼籲歌迷：「帶媽媽一齊『打卡』或『加班』啊！」

當日五月天忽然放出紅館檔期令歌迷相當焦急，事後先知原來佢地想將台灣嘅巨型舞台，原汁原味呈現喺香港五迷眼前，決定放手一博轉往戶外場地。日前主辦單位公布座位表，可以見到今次舞台相當寬闊，原汁原味地保主舞台，在左、右分別加設超長延伸舞台，讓5位成員隨時可以走到人群當中，跟四方八面的觀眾拉近距離，絕對是一個大福利。

首輪優先訂購開賣當日已經全部爆滿，五月天得悉大家支持非常感動，主辦單位決定將加開5月13日1場，正正係一年一度母親節，五月天仲話歡迎「五迷」帶媽媽一齊「打卡」或「加班」啊！6場門票會喺3月29日公開發售，剛巧是五月天成軍21周年紀念日，連續兩年都在成軍紀念日開賣香港站的門票，以特別的方式祝福大家都能夠成功購票，跟五月天一齊慶祝。