【有片】Mr.齊腳開騷過百人塞滿時代廣場:當呢度係紅館咁玩!

撰文:
最後更新日期:

樂隊Mr.今日於銅鑼灣時代廣場地下開mini live引來過百途人圍觀,就連對面馬路都有樂迷駐足欣賞,而鼓手Tom的囝囝都有現身支持。終於齊腳開騷,Mr.以連串舊歌冧fans,《假使》、《想太多》、《Everyone》、《黑色狂迷》、《昨天》、《森林》等逐一送上。唱《昨天》時主音Alan一時忘形「甩嘴」,但樂迷自動補位清唱副歌部份,場面相當感動!

攝影:黃國立、黃浩晉

唱《想太多》、《昨天》等歌曲時全場大合唱,場面相當感動。(攝:黃國立)

不經不覺Mr.已經出道10年,雖然經歷過不同風波,試過停下步伐,但他們5人仍然一條心,主音Alan應承樂迷:「依家都籌備緊新歌,雖然冇咩頭緒,但希望盡快以Mr.嘅形式做歌俾大家聽!」同時透露將於今年尾或下年頭舉行10周年演唱會,樂迷聽到呢句當堂安心晒!

Mr.五人於銅鑼灣舉行mini live,吸引過百人圍觀。(攝:黃國立)

鼓手Tom的囝囝杜杜都有現身支持。(攝:黃浩晉)

演出期間,平日較沉默的結他手Ronny忍唔住話:「其實我哋當今日係紅館咁玩,呢度係我哋嘅紅館!」結他手MJ亦感性話:「其實我兩年未試過因做騷去整頭,今朝整頭嗰陣喺到諗『使乜整啫都冇人嚟睇』,又落雨又點,真心地驚冇人嚟睇⋯⋯」話音未落,樂迷紛紛大叫「唔會!」有樂迷安慰,證明MJ不用「想太多」。

Mr.的歌曲是不少樂迷的集體回憶,基本上前奏一響,樂迷就自動唱畢全首。經過激昂的部份,Mr.最後唱出《森林》,更全唱大合唱「花開花飛花似畫 經得起變化」為演出劃上句號。

結他手Ronny表示當今日喺紅館咁玩。(攝:黃國立)

主音Alan應承樂迷會盡快以Mr.形式做新歌。(攝:黃國立)

Mr.騷後接受訪問,被問到較多人關心的「歌債」問題,5位都鬆一口氣表示:「搞掂晒啦,碟都出埋!唔會再有呢啲負面嘢,所有嘢都要正面地去諗。」他們亦透露,希望找回初出道做歌的感覺與方法,以「團體」出發才能做出更band sound的作品。Bass手Dash亦提到:「我哋最初係indie,以往生活上嘅經歷成為我哋頭幾隻碟嘅靈感;同樣地呢幾年我哋試過暫停,沉澱完之後俾啲時間我哋消化,就會有新嘅Mr.作品帶俾大家。」

+10
+9
+8
《想太多》(收錄於首張專輯《Mister》)(拍攝:黃浩晉)
《Everyone》(收錄於首張專輯《Mister》)(拍攝:黃浩晉)
《假使》(收錄於首張專輯《Mister》)(拍攝:黃浩晉)
《森林》(收錄於第二張專輯《If I Am...》)(拍攝:黃浩晉)
《黑色狂迷》(收錄於第三張專輯《Like Black》)(拍攝:黃浩晉)


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。