五月天演唱會香港站再加位4月23日開售 唔通又要瞓街搶飛？
撰文：洪曉璇
出版：更新：
要買五月天演唱會票，難度系數同中六合彩差唔多。（五月天FACEBOOK）
「有頭髮邊個想做癩痢」，有得喺屋企高床軟枕點會無端端想露宿街頭，不過五月天歌迷偏偏每年都要體驗，事關Mayday年年來港開騷，門票就一年比一年難買，剛剛3月29號開售時居然攪到售票系統跪低，各區更發生唔少混亂，五迷大戰「南亞娛樂」。呢日主辦單位宣佈加售門票，咁咪即係又要排過？非也非也，睇埋先啦。
３月尾五迷要瞓街多日搶購演唱會門票。（網上圖片）
【五月天】票站系統故障開售一延再延 疑南亞裔插隊「五迷」鼓譟
【召喚五迷】五月天宣布母親節加開1場 329成軍紀念日公開發售
香港站主辦單位宣佈其中四場加位推售。（FACEBOOK截圖）
五月天香港演唱會主辦公司，喺22號中午宣佈：「特別公告﹗﹗五月天 LIFE 《人生無限公司》2018 巡迴演唱會無限放大版香港站，為了滿足更多「五迷」需求，主辦單位經研究後，決定分別於：5月5、6日及5月12、13日四場加開少量坐位。」加位推售喎，未買到票嘅朋友仔有希望啦﹗不過係咪意味住又要瞓街呢？睇埋先講：「門票在下星期一(23/4)上午10時開始，只限Cityline購票通網頁訂購，每人每次限購4張記住把握機會喇～」
雖然多一個入場希望，但五迷好似唔多受落……（五月天FACEBOOK）
今次只限網上訂票，雖然都係未有網友力推嘅實名制，不過叫做唔使瞓街啦，五迷又滿唔滿意呢個安排呢？似乎又唔太受落喎，事關上次公開發售整個售票系統跪低，對同一個售票系統信心歸零，唔少網友亦洗版質疑：「究竟係真係加位或是賣唔晒飛？加得位就唔會只加四日……誰會放好啲椅又拿走，又放出來，你騙人都叻少少。」到底係咪真加位實在不得而知，不過叫做有多一個希望正價入場，五迷加油啦﹗
+3