【有片】五月天新加坡開唱　阿信問新手爸爸瑪莎：你有餵過奶嗎？

演唱會到底喺室內睇開心啲，定係室外睇興奮啲？如果係五月天嘅演唱會，就應該會係室外場比較自由自在玩得更盡興。相隔8年五月天重返新加坡國家體育館開唱，有別於去年12月室內體育館嘅《人生無限公司》，呢次「無限放大版」將巨型舞台原汁原味呈現喺4萬名新加坡歌迷面前。

隊中第三位爸爸瑪莎，剛剛宣佈太太為佢誕下一對可愛嘅龍鳳胎，雖然為咗巡唱要短暫離開仔女，都難掩佢興奮心情。主唱阿信好奇地問：「你有自己餵過奶嗎？」瑪莎笑回：「要問到這麼detail的事情，我是沒奶，但我有拿奶瓶餵，很感動，不知道該怎麼講。」

當唱到《笑忘歌》最後一句前，阿信忽然提議：「今天晚上，就由新手爸爸瑪莎帶領大家一起唱（最後一句）。」瑪莎調皮地重頭開始唱第一句，讓團員哭笑不得。新加坡站仲搵嚟重量級嘉賓李宗盛助陣，與五月天合唱《凡人歌》，李宗盛說：「大家好我叫做李宗盛，希望大叔寫的歌留在你們心裡面。」最後全場大合唱《山丘》，為演唱會再掀高潮。