Hotcha十周年重組演唱會 感動到一開騷就喊
撰文：彭嘉彬
出版：更新：
Hotcha出道逾十年，今夜在九展Star Hall舉行《十週年回憶慈善演唱會》，一還樂迷心願，在舞台上實現短暫的重組，以快歌及熱舞跟樂迷見面。一開場不用多說話，Hotcha身穿馬甲迷你裙現身，送上《大場面》及《小野蠻》炒熱氣氛。雖然多年沒以組合形式在舞台上出現，不過「舞功」絲毫沒退步，落力到唱完第三首《Party Girl》已經深呼吸回氣。
Hotcha今夜重組開騷絲毫冇留力，一開場已連跳三首歌。 (葉志明攝)
Hotcha在台上傻笑表示：「估唔到有咁多人嚟㗎!有無人十年前都有嚟睇我哋呀？」全場皆以歡呼和應。熱舞過後，氣氛一轉Hotcha唱出《學習期》及《另一頁》深情一下，怎料今次重組感動得令Winkie禁不著哭起來，場面好笑之餘更顯溫馨。
今次短暫重組實在難得，感動得Winkie開場不久已開始淚流不停。 (葉志明攝)
在成員換衣服的同時，大會一早準備了訪問片段讓Hotcha「出賣隊友」。Crystal在當中提及:「第一次見到Regen嘅時候我心諗:吓?同佢做組合?佢好細個咋喎。」加上Regen「跳跳紮」的性格，不禁令Crystal在組成初期感到又驚又喜。而Winkie更大爆:「Regen咁多年後嘅改變係，佢比以前飲得。因為以前出Trip，有時我哋會去飲嘢，記得有一次佢飲咗一杯就瞓低咗，最後我要揹佢返去。」
Winkie「出賣隊友」大爆Regen原來最易飲醉。 (葉志明攝)
緊接下來是Regen的Solo時間，她先唱出個人作品《心跳500天》，在舞台上與擔任MV男主角兼排舞的麥秋成重現出MV中情景。
Regen與麥秋成在舞台上重現出《心跳500天》MV中的情景。 (葉志明攝)