【父親節】陳柏宇為「前世情人」去到盡 走勻港九拍MV無懼烈日
撰文：黃浩晉
出版：更新：
陳柏宇(Jason)早前宣佈與太太符曉薇「造人」成功，BB女將於夏天出世，Jason為此花盡心思為這位「前世情人」譜寫《無限大》，迎接囡囡來臨。《無限大》由Jason親自作曲、林寶填詞、Edward Chan編曲及監製，是一首甜蜜窩心的溫馨小品。
Jason不單止花心思作曲送囡囡，為拍攝MV更攀山涉水，走勻全港九，果然榮升爸爸令人有無限毅力。深水埗、油麻地果欄、銅鑼灣、尖沙咀碼頭、石澳海灘等等地方都去勻，可見Jason想將這份禮物包裝得最完美。
陳柏宇為拍攝送畀囡囡嘅《無限大》MV，走勻全港唔怕大陽曬。
Jason說：「嗰兩朝都好早開工，咁啱天氣又好熱喎，喺個大太陽下拍都真係唔講得笑！不過亦多謝個天一路都好好天氣，好猛陽光，啱晒成首歌個主題，令到拍攝都好順利。」
就算走到深水埗俾街坊認到，Jason都冇怯場。
《無限大》還有一位小孩男孩擔任主角，Jason一見對方即刻父愛大爆發，玩到非常忘形，不過見Jason照顧小朋友很熟手，相信將來一定如歌詞所說「未識跑可與你學爬」，同囡囡玩得開心。