【唔編唔聽】雙鼓吊出《橙海》「鮮味」 阿達:要戴耳機先聽得到

撰文:
最後更新日期:

《唔編唔聽》來到第4集,邀請Supper Moment鼓手阿達講解《橙海》打鼓(Drum Set)的部份如何組成。既有傳統鼓(Acoustic drum set)又有電子鼓,到底是甚麼原因驅使阿達一人打兩鼓?

攝影:鄧倩螢

《唔編唔聽》「Supper Moment篇」來到第4集,前三集有Sunny、阿雞同CK講解《橙海》各樂器的編曲,相信大家看過後都會對首歌了解更深,聽得多咗。人聲、結他、Bass都講過,當然要不少得一隊Band的「引擎」—— 打鼓。《橙海》之中有傳統鼓,有電子鼓,到底這個鋪排從何而來?又如何令兩種,同時負責節奏部份的敲擊樂器和睦共處呢?

即睇阿達同你大解構!

點擊重溫之前三集,分別講解《橙海》的人聲、結他及Bass編曲:

【唔編唔聽】《橙海》Bass Line平實不平凡 CK:彈得太多就唔夾

【唔編唔聽】《橙海》爭啲變80年代老套歌? 結他手阿雞一招拆掂

【唔編唔聽】Supper Moment編曲雞精班 逐粒音拆解《橙海》

Groove易聽易明即可 無需過多「花紙」包裝

阿達與CK同樣負責歌曲的Rhythm Section(節奏部份),在Jam歌時已決定《橙海》的編排要簡單,為歌曲營造廣闊的空間感,所以阿達只需奏出鮮明利落的節奏,歌曲段落之間以簡單的Fill in(過門樂句)相隔,同時,上述節奏與CK的Bass Line互相緊扣,從而做出易聽易明的律動(Groove)即可,無需用大量花紙作「掩耳法」堆砌之。

阿達要同時應付兩種樂器,真係要好專注先得。(鄧倩螢攝)

話雖如此,阿達的工作一點也不輕鬆。現場演出時,他要同時負責傳統鼓(又稱真鼓)與電子鼓的部份,Intro同Verse打完電鼓,到Chorus(副歌部份)要立刻轉身打真鼓,之後再打電鼓。要拍子做得精準,的確要打醒十二分精神。至於電鼓的「始作俑者」是誰?就是Bass手CK,如阿雞所說:「有次CK無端端玩Bass玩到厭,走去搞其他樂器,咁啱我哋有個電鼓插着咗,佢就喺到敲敲下。」點擊重溫

電鼓嘅聲就呢度出嚟㗎喇!(鄧倩螢攝)

心思在細節 用Headphones聽真章

如片中阿達所說,《橙海》的節奏由真鼓與電鼓互相配合組成,混音上有個小心思大家可以留意下,每次副歌完成時,有一段Tom Tom(筒鼓)Fill in,做了Panning(定位)的功夫,大家戴上耳機會感受到逐個Tom Tom由左至加出現,立體感更強。

一連四集《唔編唔聽》Supper Moment篇為大家解構《橙海》的編曲,一首感覺輕鬆簡單的歌,背後藏着很多細節有待大家發掘「聽真啲」,學Supper Moment話齋:「其實歌係可以咁樣聽嘅!」

聽完阿達分享,大家對《橙海》係咪又明多啲呢?(鄧倩螢攝)

(資料圖片、鄧倩螢攝)

《唔編唔聽》頭炮有Supper Moment親自分析《橙海》編曲,下星期會有另一隊重量級樂隊同大家上「編曲雞精班」,大家記得黐實下星期《唔編唔聽》喇!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。