【華星孖寶】與楊千嬅合作開騷 杜德偉:私下成日交流湊仔經

撰文:
最後更新日期:

千嬅同Alex相識多年,孖住開騷都係第一次。

之前佢地曾經喺CCTV同台演唱。(杜德偉IG)

楊千嬅同陳奕迅、梁漢文曾被稱為「華星三寶」,2011年曾經孖住開過一場音樂會,當時一票難求相當經典。嚟到2018年千嬅又再孖華星人開騷,今次就同早佢十屆參賽,1985年新秀冠軍杜德偉crossover 開演唱會。雖然以前也有在一些節目上合唱過,但一同舉行演唱會就是一個新嘗試,日前更為演唱會拍攝海報,Alex分別以斯文同狂野rock 造型來「迎戰」千嬅一身桃紅長裙,連Alex都話期待演出的火花!

日前為演唱會拍攝海報,出動風機凝造飄逸感覺。

千嬅同Alex相識多年,原來私下都好friend不時有互動,Alex話:「我們之間除了談及舊時,講下以前合作的事,亦會講下屋企、湊仔經都係我們常談的話題。」今次演唱會不設公開賣飛,Alex笑言希望可以長做長有:「在計劃今次演唱會內容的過程中,其實我們也覺得好精彩,想同更多觀眾朋友分享,所以之後我好希望會有更多合作,甚至可以衝出香港同更多歌迷見面。其實以前曾有一齊合唱過廣東歌,今次更會有國語歌、快歌、慢歌,會互唱對方的歌,而跳舞當然走唔甩!不過都要等綵排階段時,排舞老師如何安排。講到尾,最重要是台下觀眾看得開心!」

Alex笑言平時會同千嬅傾湊仔經。(杜德偉、楊千嬅IG)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。