鄭秀文自爆2019下半年開騷機會大：我哋會照入紙紅館
撰文：朱奕錦
出版：更新：
天后鄭秀文（Sammi）最近的工作真是忙到不停手，昨日（21日）剛剛出席完新歌MV首播會，今日（22日）又亮相品牌活動，都咪話唔辛苦呀：「因為啱啱出咗新唱片啦，咁又好多嘢宣傳啦，今日又開始同阿Sa做一啲不過都電影嘅宣傳啦，不過都習慣啦，其實反而好期待做電影嘅宣傳，因為舊年拍完啲電影一路都未推出，咁今年年底陸陸續續就會推出啦。」
Sammi身著Versace 2018秋冬系列抹胸長裙亮相，最近密密出席活動的她，剛剛宣傳完唱片，現在又開始為電影宣傳，不過她笑言已經習慣，期待電影上映。（梁碧玲攝）
去年Sammi拍了4套電影，現在已經過去大半年，所以她也好期待電影上映：「好耐冇同阿Sa一齊拍戲啦，咁有一部戲又同Gigi一齊拍，即係全部都係朋友，所以個意義係double嘅。」
Sammi去年4套電影都同不同的演員合作，當中包括阿Sa和Gigi梁詠琪，可以同朋友一齊拍戲，她也覺得意義非凡。（梁碧玲攝）
日前Sammi在澳門的side track音樂會上揚言2019年開show機會好大，令一班fans即刻沸騰。她坦言自己的確有開騷的打算，不過可能都要明年下半年：「我哋會照入紙嘅，咁最終定奪都係睇紅館點。」新歌《Creo en Mi》引起好大迴響，不知道Sammi到時開騷會不會邀請王嘉爾（Jackson）一齊演繹呢？「哇⋯⋯呢個我都唔敢多想，佢淨係應付自己同GOT7嘅工作（都已經好忙），我反而唔敢咁諗囉。」Sammi表示能合唱到已經是好開心的一件事。
Sammi透露公司會向紅館入紙申請開演唱會，不過具體時間要看紅館決定，至於會不會邀請Jackson合唱，她笑言未敢想。（視覺中國）