Tommy@E-Kids回歸Hip Hop風格 2019年將與日本Rapper合作?!

撰文:彭嘉彬
出版:更新:

去年尾,E-kids以《終止戀愛》一曲成功打入情歌市場,作為多年前《開始戀變》的續集,樂迷也顯得非常受落。近日《終止戀愛》的MV在youtube上突破200萬點擊,而且捨棄傳統的宣傳模式,無派歌到電台及電視台,單靠網民分享,可說是打破了往日樂迷對E-kids負面的刻板看法。成員Tommy表示:「其實真係幾鼓舞嘅,今次新歌由我作曲,亦專登邀請返當年為我哋《開始戀愛》嘅填詞人馮曦妤去填,為《開始戀愛》寫一個延續嘅故事。其實我哋一向做嘢都係負評比較多,但呢首歌我哋幾乎係得到一面倒嘅好評,證明香港人都係用心去睇每件事。做到好嘢,大家都會睇到同埋欣賞,所以我哋非常開心亦幫我哋之後嘅路打咗支強心針。深信大家都知道而家做音樂係揾唔到錢,雖然首歌有200萬hit rate,但係呢隻歌我賺到嘅分成都唔知有冇200蚊,所以如果連少少成功感都拎唔到,真係好難再有動力去繼續做廣東音樂。」

除了在組合的音樂路上默默耕耘,一向積極在日本尋找發展路向的Tommy亦預告,自己正籌備一些與E-kids風格完全不同的Project,希望與世界各地不同的Rapper合作。這段時間Tommy在日本除了做一些經理人工作之外,亦於日本的錄音室和音樂人開會及開始做Demo,希望可以於2019年頭將有關Hip Hop風格的新計劃正式推出。

Tommy密密在日本發展,除了處理一些經理人工作外,更準備在日本推出Hip Hop作品。 (資料圖片)