Sky事隔13年後再出新歌 成員林卓健否認全面復出：暫時唔會諗住
撰文：吳子生
出版：更新：
香港組合Sky三缺一現身商台宣傳新歌《趁大家有空》。林卓健（Kin）表示：「Bonald（梁俊邦）同佢太太因為一早安排咗去旅行，所以今日冇嚟度宣傳活動。」
Sky組合出席商台宣傳新歌《趁大家有空》。（陳順禎攝）
Sky於2003年以5人組合姿態出道，活躍兩年後便解散，今年3月Bonald結婚，其餘四子出席兼上台合唱《口袋情人》，前經理人在Facebook live看到，並決定重組，只有潘卓楠（Gilbert）拒絕重組。嚴嘉駿（Moses）直言：「自從大家解散咗之後，都各有各的生活及工作，而今天呢首歌《趁大家有空》，就係想表達趁有時間見吓身邊嘅朋友及屋企人，嚟近11月我哋會有個音樂會，會喺海洋公園舉行，到時想藉着機會，多謝以前曾經幫過我哋嘅朋友，好感恩佢哋對我哋嘅愛護。」
11月Sky將會在海洋公園舉行一場音樂會（陳順禎攝）
相隔咁耐，唱功方面有冇新突破？Kin表示：「其實我哋到樂音室，我哋每個人都要pick up返，都會有少少唔習慣，嚟近又要做第二首歌，監製又要求高，咁所以我哋一有空閒嘅時候，就要自己練歌。」會唔會真正重返樂壇發展？「暫時都唔會諗住，我哋以前都諗住做得好耐，但最後都冇得做，所以係計劃唔到，都係順其自然。」