Supper Moment演唱會「解禁」唱舊歌 真Fans聽到喊出嚟!

撰文:黃浩晉
出版:更新:

Supper Moment能夠登上紅館的確是「大奇蹟日」,是本地獨立樂隊的奇蹟。演唱會尾聲唱《Supper Moment》前,Sunny激動話:「今晚係最後一場,每唱一首歌都喺度flashback以前嘅畫面⋯⋯」樂迷又何嘗唔係呢?

昨晚是Supper Moment紅館尾場的大日子,對本地獨立樂隊來說,可說是「大奇蹟日」。 (黃國立攝)
+35

由「Band界紅館」蒲吧走到真紅館,樂迷都記得當時Sunny還是紫色冬菇頭,阿雞每次彈solo啡髮總遮着半邊面,紅頭CK拿着5線Bass及金色all back頭的阿達。以往在蒲吧台下企最前緊貼台邊,近得伸手可及的距離;在紅館即使坐第一行與舞台至少相隔兩、三米。Sunny由攞木結他都變成攞電結他多,阿雞變成長髮紮辮,CK和阿達多了個紋身,無論外型如何轉變,那份感動依舊不變。騷後接訪問時,他們也表示心情如以往一樣激動:「一樣咁激動!係場館唔同咋嘛,本質係冇變!正如第一晚所講,就係想將更多愛帶俾呢個場館,呢個世界,就係咁簡單!」

由蒲吧一步一腳印走到上紅館,雖然Supper Moment成員的形象轉變了不少,但對音樂追求的本質卻從來未變。 (黃國立攝)

唱《靈感床》時videowall播出卡通版《等等⋯》、《旅程》及《再次心跳》的專輯封面,也算是「彩蛋」之一,呢幾隻碟你有冇keep起到呢?頭兩張實體碟都賣到斷晒市,有一些「禁歌」如:《對岸對望》、《小行星》、《Love Song》,樂迷都經常笑說何時會再唱Live。其實在《等等…》之前,還有一張隨雜誌附送的細碟,而那本雜誌還有《最後晚餐》的結他譜,相信不少人學懂最準確的彈法都是靠這本「教科書」。

還有video wall左上角的搖滾手勢動畫,令人想起曾有些mean comment「斬晒啲手指公佢」,事關很多人大合照時以為自己高舉搖滾手勢,但實質那是Love & Peace。

係頭3隻碟嘅封面呀!你有冇keep起呢? (黃國立攝)

唱《Supper Moment》時videowall播出以往演出的「bootleg」,有中堅樂迷可以講出每場騷的細節。如:2011年在蒲吧舉行的《Diamond Live》,阿雞弄傷手堅持演出,左手手腕還纏著繃帶。所以話,不止台上Supper Moment成員不斷flashback,台下樂迷亦如是,難怪不少人偷偷拿紙巾拭淚。Encore終於唱《P.S. I Love You》,不少樂迷也得償所願,阿雞還「解封」以往常用的棗紅色PRS Modern Eagle II結他,也是昨晚的一大彩蛋。

這把結他至少「服役」了6年,錄音、出騷、走埠都有佢份,在《小伙子》、《飛》、《機械人》等等MV都見它的縱影,阿雞彈到fret都蝕埋。近年出騷阿雞都轉用了不同顏色的PRS結他,到昨晚那把棗紅色PRS「解封」,還要奏出《P.S. I Love You》的solo,簡直像回到從前一樣,難怪騷後阿雞也說「頭先彈段solo都爭啲想喊」。

當年在蒲吧唱《P.S.I Love You》仿似還是不太久以前的事,昨晚在紅館台上再次聽到,感受特別深刻
阿雞「解封」了以往常用的棗紅色PRS Modern Eagle ii結他。 (黃國立攝)

對樂迷來說有很多舊作還未聽到,有點意猶未盡,但他們笑言已經將「禁歌」搬上台面:「我哋都玩咗好多舊歌嘅!好似《今夜酒氣吹過》啦,『禁歌』嚟㗎!(禁歌唔係《Love Song》咩?)我哋唔止一首嘅,哈哈!其實今次rundown唔係求其擺啲歌落去,而係憑我哋嘅經驗去營造想表達嘅效果。今次每晚encore玩嘅歌都唔同,到2月喺澳門開騷嗰陣又可以試下玩其他歌。」

今次開騷,Supper Moment玩了很多「禁歌」,其實每晚也會玩一些樂隊以前的舊歌。 (黃國立攝)