劉德華演唱會主題曲《My Love》曝光 相隔八年以電影規格拍攝MV
撰文：洪曉璇
出版：更新：
劉德華相隔八年再開演唱會，仲有大約一個月就會喺紅館，舉行一連20場聖誕跨年個唱。呢日演唱會同名主題曲《My Love》終於曝光﹗輕快西洋舞曲曲風，再配上華仔以中國詩句所填寫嘅歌詞「有花堪折直須折 莫待無花空折枝」華仔表示：「呢首歌將西方音樂與中國文化交流，希望藉以傳遞”想愛就去愛、要愛趁現在”」。用歡樂的歌聲傳播愛。
是次MV動員超過250名工作人員拍攝。
MV係一個婚禮場景，故事講述一對銀髮長者喺各自仔女鼓勵及眾人祝福下，勇敢接受第二段婚姻。華仔飾演男方的兒子，而嘉賓舞者包含演唱會專業舞者、歌迷會成員及一對年長舞者等，大家展現出各式的現代潮流舞蹈等。婚禮現場仲用上多幅華仔嘅手繪圖騰做佈置。
華仔以帥氣伴郎造型現身狂舞。（影片截圖）
目前華仔閉關忙於演唱會各種排練、訓練、錄製新歌，華仔仲要籌拍MV，數數手指華仔先驚覺，除咗代言廣告外，自己已經有8年，未純粹為發表一首新歌拍攝MV，呢次佢特別請嚟電影《追龍》導演關智耀執導、並以電影的團隊製作這首MV。
特別請嚟電影《追龍》導演關智耀執導，附上電影的團隊製作這首MV。
MV動員近250名工作人員參與演出，租下啟德郵輪碼頭，由清晨5點開始準備拍攝，當日天公做美放晴酷熱，華仔身穿西裝短褲一身伴郎俐落帥氣打扮，同大家一齊狂舞、汗流夾背。歡樂非凡嘅氣氛之餘，也表現出愛其實係可以不分年齡，不分界線，不分世俗，只要係「真愛」，每個人都應該勇敢追求自己的所愛，珍惜自己的幸福！
MV中用上多幅華仔嘅手繪圖騰做佈置。
+1