姜濤為演唱會節食一個蘋果做晚餐 Anson Lo:佢一啖飯都唔肯食!

撰文:張嘉敏
出版:更新:

由ViuTV選秀節目《Good Night Show全民造星》12位參賽者組成的男團MIRROR,成員之一的姜濤、Anson Lo以及Ian今日齊齊出席商場聖誕活動,與粉絲一起玩遊戲,吸引了數百名的粉絲與市民圍觀,粉絲的尖叫聲不絕,震耳欲聾,其中當然是以姜濤最受歡迎啦。三人透露近日忙於為本月21日舉行的MIRROR演唱會積極備戰。Anson Lo說:「我哋日日都要排舞練歌練6至9個鐘,一陣做完活動都要返去練。」Ian坦言:「我仲適應緊,之前比賽時都瞓好少,依家瞓好少已經開始習慣。」

姜濤為咗要keep fit,每晚只係食一個蘋果。(葉志明攝)

姜濤笑言體質易肥:係用啲衫遮住咗咋!

姜濤就話比賽時更加辛苦:「嗰時嘅壓迫感好大,依家雖然都辛苦但係會更加Enjoy。」而原本是肥仔,現已好瘦的他,為了要在演唱會以最佳狀態示人,竟然仲要節食keep fit。他說:「我個體質好易肥,其實我而家都肥㗎,只係用啲衫遮住咗咋。我要忍口唔食嘢先得,佢哋人人喺度食宵夜,我就喺度咬蘋果,夜晚淨係食一個蘋果。早午餐都係食得好清淡,食飯盒淨係食啲菜同少少餸,最多食幾啖飯。」

姜濤、Anson Lo同Ian齊齊同粉絲玩遊戲。(葉志明攝)

至於天生瘦底唔長肉的Anson就完全不用戒口了,他說:「我想姜濤同我一齊食,畀啖飯佢食,叫佢食少少,佢一啖都唔肯食。」Ian亦曾經是肥仔,所以在飲食上都要有節制。問到他們在演唱會上會否騷下肌,三人即表示不會,Anson說:「我哋無呢個打算,無咩肌肉可以騷,騷肌呢方面就交畀Jeremy,佢係我哋嘅肌肉擔當。」姜濤就話到時會有驚喜給大家。

+6