【十大中文金曲】達明一派演出經典Medley 俞琤Jam歌頒發金針獎

撰文:
最後更新日期:

去年十大中文金曲沒有頒發「金針獎」,今年《第41屆十大中文金曲用心.聽音樂會》當中,終於令獎項重現。在音樂會中段,達明一派現身舞台,即席演出多首經典作品,包括《禁色》、《馬路天使》、《1+4=14》、《今天應該很高興》、《石頭記》等。以medley形式重新演繹作品,新鮮感十足,唱至《石頭記》時,俞琤現身以Ukulele伴奏,融入電子音樂當中,更即場頒發金針獎予達明一派。

明哥黃耀明領獎時發表感言:「我哋兩個係土生土長嘅香港青年,我係牛頭角青年、佢(劉以達) 係彩虹邨青年。若果我哋嘅音樂曾經成就過一啲事情,我諗我哋一直都係以熟悉嘅廣東話唱出香港人嘅故事,所以請大家要一直去守住自己嘅語言同文化。我哋經歷香港的盛世同埋衰落,無數起起跌跌成為我哋歌曲好重要的一部分,亦諷刺地成就咗達明一派。」

他續道:「聖誕節期間我聽到電台播了霑叔(黃霑)的一首聖誕歌,令我想起達明一派亦唱過很多國家領導人、特首名字,呢啲歌都是來自百無禁忌的八九十年代,我想是因創作與言論自由,成就了多年來的達明一派,好多謝那年代的香港。今日這個城市,本來我要講的幾句被人刪咗了,今日這個城市到處都是禁忌、到處都是紅線,呢啲紅線同禁忌,將會厄殺音樂同藝術的發展,恐怕這個璀璨都市光輝到此,我諗是每一個香港人的恐懼,亦都係我深深的恐懼。拎咗好多獎牌的咁多位,上咗岸嘅我地,受惠於香港盛世的每一位,又有冇諗過,留低一個怎樣的香港畀下一代?」

他又以《禁色》歌詞作結:「願某地方不需將愛傷害 抹殺內心的色彩 願某日子不需苦痛忍耐 將禁色盡染在夢魂外」

前商台董事兼總經理俞琤現身港台的頒獎禮,更與達明一派Jam歌及頒發金針獎。 (陳順禎攝)

下載《香港01》App,打開App首頁,撳「+」選取「01眾樂迷」做你嘅「已選頻道」,每日都睇盡【01眾樂迷】精彩內容啦!

即睇 【 01眾樂迷專屬頻道



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。