【方大同演唱會】首次公開Rap廣東話 農夫:好有譚仔嘅風味!

撰文:
最後更新日期:

方大同在剛過去的周末舉行《方大同TIO靈心之子巡迴演唱會-香港站》,於紅館完成兩場演出。除了重溫大同Soul味濃的作品外,每晚不同嘉賓也引起演唱會的高潮,尤其在星期日的尾場,方大同邀請了農夫當嘉賓,原來他們已經認識了14年,可說是樂壇中的好友。三人同台合唱,大概沒人想像到唱的竟然是《風生水起》。

《方大同TIO靈心之子巡迴演唱會-香港站》的尾場當中,大同邀請了農夫擔任嘉賓,更合唱了《風生水起》及《小小蟲》。 (資料圖片)

一曲過後,農夫笑指方大同是「世界上Rap得最冷靜嘅人」,陸永道:「真係對唔住各位,全晚咁有品味嘅演唱會,突然間嚟Rap一首《風生水起》咁低俗嘅作品。」C君又補充:「好似去食壽司,突然間攞個火鍋出嚟要淥熟啲魚先,不過其實係方大同要求唱嘅,佢嘅品味好怪,咁兩極化。」他續道:「事源上年11月方大同去咗睇農夫嘅演唱會,睇完佢就問我哋可唔可以做佢嘅演唱會嘉賓。我哋當然話好啦,但問題係唱咩歌呢?大同就話:我要做麥玲玲!」二人更樂此不疲地笑指方大同品味「變態」。

三人在台上有說有笑,更突顯出大同的反差萌。 (資料圖片)

+12
+11
+10

三人難得同台,當然要唱農夫為方大同填詞的《小小蟲》,C君亦藉此機會分享了一個小故事,他問觀眾:「你哋覺得方大同紅過農夫幾多倍?」席間有人回應:「形容唔到!」C君續道:「無得比係咪?我哋呢啲地底泥。一般聽眾認為一個歌星紅唔紅其實係好主觀,但我哋呢啲創作人就有一個客觀嘅衡量方法,就係睇下收到幾多版稅。」

陸永透露:「我哋農夫都寫過好多作品,收收埋埋啲版稅都有成幾百蚊。」版稅的計算方法其實來得直接,有多少人播過你的作品、多少人買你的唱片,自然就與版稅成正比,C君表示:「農夫自己嘅作品係曲詞自己包辦,我哋係收兩份版稅,有一年我哋農夫出咗幾首歌,收到張版稅支票係得$180。而同年我哋幫方大同寫咗首歌,仲要只係填詞,冇份作曲,最後收到幾萬蚊版稅,即使方大同紅我哋幾千倍!」

他們口中的作品,正是為方大同填詞的《小小蟲》,農夫又指:「其中一樣好唔開心嘅係,寫完呢首歌之後,冇人覺得係我哋寫嘅,好多人懷疑我哋請槍,因為佢哋覺得農夫咁變態,冇理由寫啲咁浪漫嘅歌。但我哋收緊$180版稅,我仲有錢請槍嚟幫返我哋寫?」最後他們再強調:「《小小蟲》係我哋寫嘅,再鋒利嘅刀都有生鏽一日、再變態嘅人都有柔情一面。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。