由DJ Donald及少爺占組成的組合艾粒(I Love U Boyz)，不知不覺經已出道17年，繼以往幾年在麥花臣及伊館密密開騷，今年終於首度進軍紅館舉行《艾粒Boom 紅館激戰》，讓追隨多年的粉絲能在這周末於紅館笑餐飽。攝：葉志明
射燈亮起，當奴化身Dicky仔現身舞台跟大家打招呼:「今晚艾粒上到紅館代表咩?代表香港係有希望嘅，就算上唔到車，上唔到樓，只要鬥長命你都有機會上到紅館。」 此時少爺占亦化身大家姐上台，與Dicky仔合唱《羅生門》。 正式以艾粒身份登場，Donald與少爺占穿上一套戰隊服再次走上舞台，唱出《扮晒巨星》、《叱吒大明星》及《爆裂戰隊》。 三首歌過後，二人笑說:「今晚嘅歌唱晒啦，跟住落嚟係Talk，大概講到11點倒啦。」 二人在台上不忘互窒，正當少爺占笑指Donald是「矮人會」時，Donald也不禁自嘲:「呢兩日入嚟紅館後台，個保安姐姐都keep住問我:小朋友入嚟係做咩㗎?」 Donald亦表示:「少爺占貴為903四大DJ之一，比起林海峰、森美、小儀，佢少咗一份星味，因為佢成日著背心，夏天又著、冬天又著，仲要成日露點。」 Donald又邀請了兩位矮人會成員上台合唱《大飲茶》，「每日每日都是Sunny Day 繼續黑起塊面冇道理 嘆啖普洱放下那啖氣」，幾乎每位台下觀眾也懂得合唱。 少爺占作為靚人會代表，也邀請出成員唱出《我我我我我有胸部》，為矮人會及靚人會之間的激戰先拔頭籌拿下一分。 二人又在台上鬥young，以AI分析彼此年齡，少爺占憑年輕肌膚再鬥贏一局。 一輪遊戲過後，二人再唱出《香港大河蟹》及會歌《無人完美》。