【林峯澳門演唱會】開騷化身Selfie王 半空握手睇到好牙煙﹗

撰文:
最後更新日期:

昨夜林峯在澳門威尼斯人金光綜藝館舉行《Heart Attack林峯演唱會澳門站》,回顧了不同時期的音樂作品,其中以各首電視劇主題曲及插曲最受樂迷歡迎,是否意味著林峯是時候回歸電視圈,主唱電視劇作品為樂迷解渴?

攝影:葉志明

好耐冇見到峯峯開演唱會啦﹗(葉志明攝)

演唱會進行到一半,林峯開始大唱電視劇主題曲,包括《忘記傷害》、《記得忘記》等。唱出《直到你不找我》前,林峯說:「有個字叫Chok,其實呢個字點嚟呢?就唔係因為我嘅,而係我有個角色做物理學家。不過我唔係要唱《Chok》,因為呢套劇有首主題曲大家也很喜歡。」當年《談情說案》飾演Professor King一角,的確令人印象深刻。

好多經典劇集歌一起前奏,樂迷已經識跟住唱﹗ (葉志明攝)

唱出《Morning Cute》及《Baby Lady》時,場面直教人替林峯擔心。以吊臂把自己吊到半空,直達觀眾席中央握手,險象橫生,不少樂迷由於太肉緊,不停緊握林峯雙手,用力一點也可能會發生意外,連他自己一邊握手時也不斷提醒:「唔好拉﹗好危險㗎﹗安全第一﹗」

吊喺半空同樂迷握手,真係睇到都牙煙﹗(葉志明攝)

驚險又令人心動的場面過去,林峯再唱出《換個方式愛你》、《讓我愛你一小時》兩首慢歌,好讓自己和觀眾也冷靜一下,同時與場邊的樂迷自拍,相當識做。

林峯化身演唱會Selfie王,不停同台下觀眾合照。(葉志明攝)

林峯落台更衣時,場館內播出古天樂的片段,他說:「最近同林峯拍緊《尋秦記》,見到佢都知有古怪,成日食烚蛋,一係就白烚雞胸。」林峯也回應道:「我已經係雞蛋嘅專家,全世界嘅蛋我都食過晒。」

唱出《One More Time》時,林峯的特訓成果終於出現在大家眼前,應樂迷要求,穿著一件銀色緊身背心上台,全身肌肉線條映入眼簾,最後更唱出話題電音之作《Chok》作結。

雖然今次開騷冇除衫,不過林峯嘅身形依舊吸引。(葉志明攝)

Encore時段才是林峯的絕殺時間,唱出《心呼吸》後,有台下觀眾向林峯拋出電話要求自拍,幸好他身手敏捷及時接著。林峯又借機感謝古天樂:「早前上映《P風暴》,好多謝古天樂比機會我做返自己,就係一個變態。其實要一人分飾兩角唔簡單,但好開心自己仍然可以同時兼顧演員同歌手嘅身份。」

其實林峯的確在多個崗位上兼顧得相當完美,包括是一個體貼的暖男。當他走到台邊時,不少樂迷逼到欄杆前,當他看見欄杆最前方站著一位幾歲的小男孩,立刻緊張大喝:「唔好逼﹗有小朋友喺度!你哋唔好逼,大家大人嚟㗎嘛。」最後唱出《幼稚完》及《愛在記憶中找你》,完滿整晚演出。

林峯雖然喺台上演出,但一直都兼顧住台下情況,見到有小朋友被人逼實,立刻叫大家小心,真係好暖男﹗(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。