【Mr.演唱會】五子尾場狂派洋蔥:再揀多一千次我都會夾Mr.

撰文:
最後更新日期:

樂隊Mr.今晚在紅館舉行《Mr.Everyone Concert 10》尾場,成軍十年經歷過大小風波,能夠再聚首舞台實在得來不易,難怪五位Rock友頓時變成感性麻甩仔,各人輪流在台上放洋蔥。

攝影:陳志嵐

Mr.各人輪流放洋蔥,令台下觀眾一邊流汗一邊流淚。 (陳志嵐攝)

+4
+3
+2
點擊大圖睇下Mr.十周年更多精采時刻!

平時寡言的結他手Ronny憶起11年前,從Bass手Dash口中得知簽約消息,當時還未懂反應:「嗰時知道簽約覺得係好事,但Dash同我講簽咗約分分鐘收入仲少過以前。但我喺到諗,如果40歲嗰陣畀我揀,買架跑車定係有一張自己樂隊嘅CD,我會揀一張屬於自己嘅CD!雖然我依家未買到跑車,但我有11張屬於自己嘅CD!」

Mr.希望可以用獨立樂隊形式營運落下去,用音樂表達到自己想說的話,同時帶給樂迷想聽到的歌曲。 (陳志嵐攝)

結他手MJ雖然自稱不善辭令,但他簡單的一番話亦搞到fans眼濕濕:「我喺到諗,Mr.對我嚟講係啲咩嘢?我諗咗好耐,Mr.令到我搵返我自己,如果冇咗Mr.我唔知會變成點,如果再有一千次機會畀我揀,我都會揀返夾Mr.經歷呢十年走過嘅路!」然後響起《尋找一千遍》,場面更加催淚。

結他手MJ在《尋找一千遍》前說:「如果再有一千次機會畀我揀,我都會揀返夾Mr.經歷呢十年走過嘅路!」 (陳志嵐攝)

鼓手Tom引用《食神》一幕去答謝音樂總監Jerald的支持與幫忙:「史蒂芬周最低潮嘅時候,火雞姐(莫文蔚)整咗一碗黯然銷魂飯佢食,我哋Mr.都有一碗黯然銷魂飯,佢就係Jerald!如果大家不幸經歷低潮嘅時候,希望大家都搵到你嘅呢碗叉燒飯!」話音一落隨即奏出Jerald監製的《不屈》,全場大合唱,場面感人。

鼓手Tom表示今次十周年豁出去,即使手腕腫痛不已亦無阻演出。 (陳志嵐攝)

Bass手Dash去年榮升人父,踏入人生另一階段感觸良多:「人大咗好難搵到快樂,雖然成家立室之後好難去諗住隊Band,冇理由餵緊奶彈Bass㗎嘛,但Mr.係我嘅快樂泉源!」騷後訪問時他提到,每次見到弟弟阿榮在台下眼濕濕望住自己也特別感觸,感激他的幫忙,今次演出對他的意義比Mr.更重大。

Bass手Dash表示,每次見到弟弟阿榮在台下眼濕濕望住自己也特別感觸,今次演出對他的意義比Mr.更重大。 (陳志嵐攝)

主音Alan表示自己在綵排時「缺堤」:「好多導演將我哋嘅side track砌成Rundown去表達我哋嘅故事,如果我哋去做係變唔到呢個效果,雖然我on show冇喊,但係綵排嘅時候真係爆咗出嚟!」

主音Alan表示自己在綵排時「缺堤」,因為導演懂得利用side track做出能完整表達Mr.故事的歌單。 (陳志嵐攝)

下載《香港01》App,打開App首頁,撳「+」選取「01眾樂迷」做你嘅「已選頻道」,每日都睇盡【01眾樂迷】精彩內容啦!

即睇 【 01眾樂迷專屬頻道



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。