【頭條新聞】《老年陷鄭》爆紅 啜核背後有一男子嘔心瀝血

撰文:黃浩晉
出版:更新:

《頭條新聞》一向以嬉笑怒罵的態度諷刺時弊,近兩星期的惡搞歌《一人掟磚會受傷》及《老年陷鄭》一夜爆紅,深得網民喜愛。《香港01》記者訪問惡搞歌的創作大腦——羅啟新,原來靈感來自資深傳媒人曾智華的一句說話:「我口講我心,將自己相信嘅嘢表達出嚟,而且有畫面、有事實根據又唔係屈人。」

羅啟新每次都為《頭條新聞》扭盡六壬惡搞,博君一笑之餘也希望引起大家反思。(《頭條新聞》截圖)

《一人掟磚會受傷》真係「Think Big」:去完廁所就哼咗呢句

《頭條新聞》的惡搞環節令人津津樂道,近一年由羅啟新主理的「MYTV SUFFER」將時事議題放到歌曲中二次創作,博君一笑之餘亦能引起大眾共鳴及反思。羅啟新亦沒料《一人掟磚會受傷》和《老年陷鄭》會爆紅,因為這都是無心插柳:「其實冇諗咁多,『一人掟磚會受傷』呢句歌詞係有次去廁所,洗完個手就無啦啦哼咗出嚟。而《老年陷鄭》最初係改咗『老細要見我,衰咗咩可否透露?你態度』先,跟住先填埋其他段落。加上,反對『《逃犯條例》修訂』事件有好多畫面引發人思考,所以先會填到。」

連日來有很多令人印象深刻的畫面,統統都成為羅啟新的創作靈感:「特首凌晨四點開記招,張建宗個樣又好似好眼瞓咁,所以我就寫咗『我漸漸迷惘,老細又扮能幹,深宵先開檔』,其實都係roll機前幾個鐘諗㗎咋!」

識唱嘅一齊喇喂!(《頭條新聞》截圖)
+18

時局愈亂愈能啟發創作? 羅啟新:素來都係,無病呻吟冇意思

不止《頭條新聞》,網上亦有各式各樣關於反對「《逃犯條例》修訂」的創作,如長輩圖、「我冇嘢講」GIF圖等等,羅啟新亦認同時局愈亂愈能激發創意:「素來都係咁,以前嘅詩人同文學作品都係因為當時社會環境而創作,而且無病呻吟係冇意思。」社會大眾關心「《逃犯條例》修訂」,在自己能力範圍出力,他引用《聖經》說話「萬事互相效力」去說明:「有人會用激進嘅語言去推動事件,但呢個唔係我嘅角色,我希望作品可以令大家有共鳴,引起大家反思,萬事互相效力啦。」