【鄭秀文演唱會】健身長肉有成果:終於練到少少「蜜桃Pat Pat」

撰文:
最後更新日期:

鄭秀文《#FOLLOWMi》紅館演唱會正舉行得如火如荼,每晚都有重量級嘉賓登場,頭場有欣宜與薛凱琪,第二場有李惠敏,相信有入場的歌迷對Sammi的說話與歌聲仍然言猶在耳。當中最感人,要數Sammi唱《我們都是這樣長大的》淚灑舞台:「我覺得人生喺每個階段都會有唔同領悟,人係會長大,會有所不同。嚟到呢個階段,我經歷咗好多,人生有好多嘅沉澱,亦有好多考驗。所以今次揀咗一首慢歌作為主題曲,但冇諗過hit過哂我過往嘅主題曲,我深信係因為歌詞好觸動到每一個人,其實喺我哋成長過程,每個人都有開心、每個人都有唔同嘅眼淚,有屬於自己嘅經歷,但唔緊要,因為《我們都是這樣長大的》。」

數完演唱會感動位,當然有笑位。第二場嘉賓是李蕙敏,Sammi把握機會問她與外籍老公的相處之道:「真係想問下你哋點傾心事?你知啦,廣東話好地道『㷫過火屎』咁你點同佢講?My heart burning fire Shxt咁呀?」李蕙敏笑回:「唔好笑呀,嬲起上嚟,我真係叫佢Eat Shxt and Die㗎!你知啦鬧反應要好快㗎嘛!(咁佢有冇真係咁做?)冇呀,佢咪喺到笑囉,因為呢啲香港譯嘅英文。」話雖如此,李蕙敏也有甜蜜一面:「有時都會同佢講『Kiss Kiss』戲都要畀啲下嘛!」難怪Sammi也稱她「冤氣」。

Sammi大方展示健身成果,掀起短褲褲腳:「終於練到少少『蜜桃Pat Pat』,見唔見呀?」(影片截圖)

點擊重溫鄭秀文演唱會精彩時刻(按圖放大)
+10
+9
+8

另外,台下有Fans大讚Sammi「好索」,她大方展示完美身段回應:「為咗唔好每次演唱會都瘦到成條『梗』咁,所以好努力咁食,好努力咁健身,終於練到少少『蜜桃Pat Pat』,見唔見呀?」話音一落隨即掀起短褲褲腳,讓Fans一飽眼福,台下隨即瘋狂尖叫。又有人大讚長腿,Sammi立刻神回應:「你都未見過我除咗鞋有幾短,做藝人嘅嘢你唔好信呀!」Sammi如此玩得,難怪Fans全心全意投入在演唱會之中。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。