【田蕊妮演唱會】憶亞視歌手生涯 笑言:我一出道同黎明平起平坐

撰文:
最後更新日期:

田蕊妮《New Start》演唱會今晚在麥花臣舉行,26年前因父親鼓勵下參加亞洲電視第4屆《未來偶像爭霸戰》,憑演唱關淑怡《一首獨唱的歌》奪冠出道。時隔多年,她終於在今年回歸歌手身份,推出新碟《Saturnian》並開個人演唱會圓夢。

攝影:葉志明

田蕊妮身穿黑白晚裝登場:「多謝大家喺咁動盪嘅時候,仲嚟支持我呀!」又神秘的說:「你哋以為你哋嚟支持我?其實你哋係嚟支持一個70歲嘅老人家!」原來今晚首先登場的嘉賓就是田爸爸,他為演唱獨唱第一首歌《You  Cheating Heart》,而阿田亦表示田爸爸的演唱會歡迎歌迷拍攝,甚至直播。接着,更與田爸爸牽着手合唱《月亮代表我的心》,大曬溫馨父女情!為了完成爸爸的演唱會夢,在結束嘉賓環節時,更進行了簡短的感謝辭,讓爸爸靦腆笑說不好意思:「你15歲我推你上台,到70歲畀你推返我上台!」惹得全場大笑。

田蕊妮與田爸爸合唱《月亮代表我的心》。(葉志明攝)

正式開始田蕊妮演唱會,阿田先帶來美國巨肺天后Whitney Houston的《I Will Always Love You》,唱到高音時游刃有餘。歌畢,阿田細說起童年往事:「我細個嘅兒歌係Beatles、貓王同鄧麗君,每晚食完飯都會拎梳當咪,迫屋企人聽我載歌載舞,後尾諗返起嗰陣我哥離開屋企嘅頻率係好高嘅!」更笑言自己就是街坊都是自己的觀眾:「依家每日4點鐘記者會,我嗰陣就係4點鐘演唱會!」

阿田先帶來美國巨肺天后Whitney Houston的《I Will Always Love You》,唱到高音時游刃有餘。(葉志明攝)

說到少年時,便不得不提阿田以歌唱比賽入行在屏幕播出當時頒獎片段後,阿田在26年後再唱《一首獨唱的歌》,實在感觸良多。但原來驅使阿田參賽還有一個原因,她回憶爸爸當時對她說:「如果你夠膽上台唱歌、唱得完一隻歌、仲拎到冠軍嘅,我戒煙!」

田蕊妮回憶爸爸當年對她說:「如果你夠膽上台唱歌、唱得完一隻歌、仲拎到冠軍嘅,我戒煙!」(葉志明攝)

簽約亞視之後,因為當時亞視只有她一個女歌手,所以幾乎所有劇集主題曲都由她主唱,她又搞笑地分享輝煌經歷:「1994年世界盃主題曲係我唱㗎!你知唔知另一台係邊個唱呀?黎明呀!我一出道就同黎明平起平坐喇!」便為大家帶來《熱燙的宇宙》。

田蕊妮當年是亞視唯一女歌手,她搞笑地分享輝煌經歷:「1994年世界盃主題曲係我唱㗎!你知唔知另一台係邊個唱呀?黎明呀!我一出道就同黎明平起平坐啦!」(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。