麥家瑜簽約環球12年宣布離巢 曾因迷茫玩失縱:唔知點面對家人

撰文:
最後更新日期:

歌手麥家瑜昨晚宣佈離開簽約12年的環球唱片。 (網絡圖片)

前環球歌手麥家瑜(Keeva)2008年出道,昨日在IG上宣布正式離開環球唱片,結束長達12年的賓主關係。Keeva寫道:「環球係我入行嘅第一間公司,咁多年嚟一直睇住我大,今日我想好好同公司上上下下講聲感謝同再見。感謝公司,感激老闆Duncan 同我多位經理人咁用心栽培我,又畀咗好多機會我,感激為我付出過嘅同事,難忘同你地一齊奮鬥過,努力過,緊張過,笑過同喊過嘅日子!有幸喺呢個大家庭成長同學習,我深深感受到大家對我嘅愛惜同關心。我相信無論幾多年後,我都唔會忘記呢段美好嘅時光,因為無你地就無今日嘅麥家瑜。喺度我祝願公司業務越做越大,各同事工作順利!未來嘅日子,我會繼續裝備好自己,喺唔同嘅崗位上繼續努力,請大家多多指教。」

由於父親麥一鳴是一位經營錄音室的資深音樂人,Keeva自幼已經接觸不少香港著名歌手及音樂人,耳濡目染下亦愛上音樂。2007年,太極成員Gary Tong得知她喜愛唱歌,便詢問她有沒有興趣成為歌手,輾轉下又與梁榮駿見面。後來Keeva在加拿大錄了Demo寄回香港,得到不少音樂人肯定,最後正式在2008年簽約環球唱片成為旗下歌手。

+2

要說她加入樂壇後的代表作,相信不能不數到出道作品《殺死我的溫柔》,首支作品已打入樂壇四大流行榜的十強位置,成為不少女生治療情傷的歌曲。可惜天氣不似預期,以大熱之姿打入樂壇的Keeva,在出道作之後成績開始走下坡,《殺死我的溫柔》令她成為了一曲歌后,卻同時成為了Keeva難以跨越的一座高山。

紅歌不紅人,曾經接受《香港01》訪問,Keeva表示自己曾感迷失:「一方面驚自己條路唔知點行,另一方面冇收入覺得對唔住家人。」在情緒谷底時,Keeva試過失縱在家人眼前:「我覺得屋企係最安全,所以我從來都未試過失縱。但當刻我實在冇辦法留喺屋企,所以走咗出街,上車搭到邊去到邊。我以為我消失咗佢哋就唔會煩,但原來佢哋係好擔心,我家姐喊住打畀媽咪講對唔住,怪責自己冇睇好個妹。我諗返起都覺得自己好唔啱。」

曾在音樂路途上感迷失,Keeva曾因情緒低落而失縱。 (資料圖片)

踏入2020年,決心離開舊東家,雖然Keeva未有明示自己去向,不過她亦績極表示自己會出外學習、認識新事物,有好消息再跟大家分享。而《殺死我的溫柔》這首作品,在不少樂迷心中或許會永久的佔一席位,事實上歌曲MV早在2008年時發佈,至今累積過200萬點擊,每年也有人會到留言處打卡,即使事隔12年,仍有樂迷表示2020年仲聽緊,證明了這首歌在廣東樂壇留下的份量。

Keeva表示自己正在為自己尋找新路向。 (資料圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。