Supper Moment（SM）將於11月7-8日假會展舉行「Supper Moment 【溫柔革命】十週年演唱會」，每次開騷都爆場的SM今次亦不例外，今日加場一次之後亦在廿四小時內火速售罄。為答謝歌迷熱烈支持，SM就在Facebook甫上MK-Pop味濃烈的感謝圖，純白的衣着、貼紙相式字體、Chok爆眼神和手勢，配上「豬妹話」：「朵謝支持。」見到都有點打冷震，SM更搞笑留言：「為答謝大家支持，特別送上呢張閃中閃俾大家，喺大家期待演唱會來臨嘅時候如果掛住我哋嘅話，不妨開出嚟睇下頂住癮先啦！」有網民見到就回應說：「呢個feel好花樣男孩，咩事先？」、「MK貼紙相」、「阿達表情加埋件衫好似精神病人。。XD」

望真啲張相，的確，又真係巧頂癮牙～！