陳卓賢Ian透露5月推出第四首個人作品:主題係關於犧牲

撰文:
最後更新日期:

MIRROR成員陳卓賢(Ian)今日(18/3)現身商台宣傳新歌《正式開始》外,亦透露5月尾會推出第四首個人作品:「好期待,曲、詞都係自己寫,第一個親生仔準備面世,我係咁問花姐可唔可以早啲出,快啲同大家見面。」

Ian今日現身商台宣傳新歌《正式開始》。(葉志明攝)

Ian「親生仔」的主題是關於犧牲,不計較付出:「關於犧牲,付出唔計較回報,但我寫下寫下就對比咗好多嘢,其實一開始唔想犧牲,但命運揀中佢,如果犧牲有價值都好。希望大家可以apply到落愛情、工作,當刻自己有咩難題,聽到首歌可以應用返落自己度。」

除了幫自己作曲,Ian透露會為MIRROR好兄弟Anson Kong寫歌:「佢向我邀歌,同監製傾過一輪,畀咗demo佢聽,有一隻都幾鍾意。(慢歌定快歌?)有兩種曲風,有抒情啲,但節奏energy高啲。」

點撃睇更多Ian靚相:

+3
+2

MIRROR成員Anson Kong、Anson Lo、Jer都分別推出個人作品,Ian仲話最喜歡Anson Kong的歌曲《特登》:「未plug嗰時,都有互相聽下,大家都有畀意見,佢哋都會問我上年錄歌係點,會share。(最鍾意邊首?)最鍾意《特登》,因為隻歌幾好loop,節奏又輕快。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。