做主持吮腳趾最難頂　Kevin Boy：我個人係真係咁冇底線？

「都Train得我哋好好，依家冇嘢驚啊！」

「The show must go on!」

最近憑住Viu TV《晚吹 - 真PK》彈起的Kevin Boy（KB）是個超級無敵樂天派，雖然拍節目時常常被整蠱，但講到一個個嘔心到毛管戙的懲罰，KB依然一副大無畏的樣子，直至講到懲罰中的「難頂之最」，KB才有點皺眉稱是被罰「吮大隻佬腳趾」：「原來我個人係真係咁冇底線架？但去到個一刻，It’s a game, It’s a show, the show must go on!」如果話KB是逆來順受地接受懲罰，更貼切的應該是「敬業樂業」和「願賭服輸」。

節目現在已經發展到第二季，新的遊戲玩法繼續用抵死、踩界做綽頭留住觀眾，回顧第一輯的成績，經常做輸家的KB樂天講到：「鬼叫我拍擋火火咁犀利咩，不過做節目亦學到好多，雖然成日都輸，不過錯就要認，打就要企定！」

在檢討過去的戰績時，他自言因為初期做節目時，單純覺得是一場遊戲，而將Talk Show主持的職責拋諸腦後，結果在問「暗題」時，因有好多小動作被人識穿，計而受罰。不過KB就聲稱自己並非「輸開有條路」，更在成功贏番個尾彩：「我最尾都有贏返下，贏佢少少！」

Say Hi永無托手㬹

而在訪問期間，不時有路人認得KB，走過來Say Hi、自拍時，KB都待他們如朋友一樣，記者好奇的問到KB是否相識滿天下？KB就話：「唔講你唔知，其實我唔識佢，節目之後多咗人喺街嗌我，我都真心地當係朋友咁樣，好感激大家睇完會話好好笑，總之你睇得開心就得，我本身係鼓佬嚟咋嗎，有咁多機會做唔同嘅嘢，非常之開心架，冇諗話紅唔紅，都係做自己。」

這種「將別人的快樂，建築在自己的痛苦身上」的態度值得嘉許！所以今次的訪問亦都準備了一個最後任務給KB，希望他在宣傳新歌《我最喜歡的香港人》時，都可以娛人娛己！

最後任務係咩？去片！