ERROR眾籌失敗繼續拍MV：冇Budget我哋都完全冇同其他人比較㗎！
撰文：劉傳謙
出版：更新：
早前ERROR為拍攝新歌《我們很帥》MV發起眾籌，但成績未如理想，而公司在疫情下公司亦削減拍攝預算。不過四子仍繼續籌備工作，更笑言希望MV中有比堅尼女郎。
+1
ERROR月初透過買T恤眾籌拍攝MV費用，但最後籌到的經費不足目標金額的四分之一。四子仍希望透過其他方法處理，目前暫定用節目《花姐ERROR遊》班底製作，193指：「佢哋都好有創意，我諗低budget都會拍到啲嘢出嚟。」在熟悉班底協助下，拍攝MV預算方面從來都不成問題？阿Dee馬上否認：「當然低budjet本身係有問題啦！」193亦補充：「係有問題，但係我哋完全冇同其他人比較、冇投訴啫。」
+2
雖然經費有限，但ERROR仍對MV存有幻想。眾人為求吸引View數，希望MV中有美女著比基尼現身。保錡更即席找在場藝人贊助，問到同場的林一峰可否借用居所作拍攝場地，一峰亦回應指：「問咗花姐先！」至於會否找女藝人合作，肥仔就笑言嘗試邀請鄭欣宜客串。