LMF Neo Tribes Tour Part II 一連兩晚在九展舉行，10月8日尾場仍然有多位圈中人撐場，包括RubberBand的阿偉﹑SuperGirls的Cheronna﹑C AllStar的安仔﹑何超儀更有上台勁Rap，而尾場除了有鄭中基繼續爆粗外，更有前成員李璨琛擔任嘉賓壓軸演出。

由於首場出現女樂迷受傷的意外，尾場明顯加強保安，但無損樂迷投入表演。當唱到《WTF》的時候，MC仁表示：「03年沙士後見個社會咁荒謬，所以寫左呢首歌，點知依家2016年，更荒謬！啲人話我地係又X唔係又X，梗係X啦，問題係要X邊個！」樂迷馬上歡呼回應。

前成員李璨琛再度回歸LMF，演繹多首經典作品，包括《屋村仔》﹑《揸緊中指》等，期間作為觀眾的何超儀亦按捺不住，走到台上與LMF一同大唱《x家拎》，令全場觀眾情緒高漲！