鄭欣宜忍痛取消處女演唱會 Fb Live含淚宣布壞消息
撰文：陳奕熙
出版：更新：
今次真係女神有問題喇！鄭欣宜（Joyce）宣布原定今晚於九展舉行的《鄭欣宜女神有問題演唱會2016》，因為颱風海馬影響，正懸掛8號西北烈風或暴風訊號決定忍痛取消，Joyce更於中午在Facebook Live宣布此事，其中她更手持黃色的海馬剪紙出場，相當有誠意！
「Hello，大家好，我有嘢宣布啊，對唔住啊，本身今晚《女神有問題演唱會2016》首場，係今晚嘅10月21日夜晚舉行。不過因為依隻咁既海馬揈極都揈唔甩嘅原因，咁所以我哋依一場《女神有問題演唱會2016》呢，就要改期到去10月23號，聽晚個場會照常開，係因為安全問題啦，同埋打到八號風球以上場地係會冇人嘅，啫係我就算好堅持碌到入去呢，都會冇人開門畀我入去開騷畀你。」
Joyce的演唱會原定今晚舉行，現因颱風關係改期於23日舉行。（網上圖片）
而Joyce亦有講到觀眾可以手持21日的門票於23日照常入場，至於退票事宜，Joyce表示除了個人Facebook page會持續update，亦可以於星娛樂及快達票的網站得到詳細資料。
Joyce直言知道有好多朋友因颱風關係滯留機場，講到此時Joyce更眼泛淚光：「好多喺外國、溫哥華、美國同埋內地朋友飛唔到返嚟，希望你哋可以睇到23號個場，我唔會因為依件事而唔開心㗎，因為貴人招風雨丫嗎！」她又笑說直至昨晚都依然好堅持想開騷，可以原本真的沒辦法，又接連鼓勵自己：「冇問題，女神有問題演唱會係冇問題嘅！」
直播結尾時，Joyce笑說手上的海馬想今朝親手造的勞作，更自爆「海馬、河馬傻傻分不清」：「我喺網上search海馬係點嘅樣，一路以為係好肥，喺水到升上嚟個隻，但原來個隻係河馬！」不過開完玩笑後，Joyce似乎又再想喊，所以快快手關掉直播。Joyce，你要打起精神準備之後兩日的演唱會啊！