我們的音樂時代|HiFi德爆林子祥錄音習慣 行徑違反業界常態?

撰文:
最後更新日期:

近年不少歌手有意製作Hi-Fi唱片,重新錄製精選作品,為音樂發燒友帶來更高質的音響享受。最近J2訪談節目《我們的音樂時代》,主持人許文軒(Edmond)與太極樂隊結他手劉賢德(HiFi德)討論發燒大碟的製作心得。他憶述與林子祥錄製Hi-Fi專輯的經歷時,因對方在早上錄音仍能保持水準而感到佩服。

Edmond與HI-FI德在節目中談音響發燒碟製作。(資料圖片)

清晨6點未夠食早餐 7點開始錄音

Hi-Fi德近年不但繼續打理高級音響專門店的生意,亦先後協助盧冠廷、鐘鎮濤等歌手製作Hi-Fi大碟。他亦曾為林子祥(阿Lam)2010年音響發燒碟《Lamusique》擔任音響顧問,由於阿Lam特別喜愛早上錄音,與其他音樂人習慣深夜錄音不同,因此整個錄音過程依然令Hi-Fi德記憶猶新:「佢(阿Lam)叫我朝早5:50am一齊食早餐,跟住就去錄音。當時我仲有少少懷疑,佢咁早開咗聲未㗎?」而阿Lam錄音的效率非常高,Hi-Fi德更以神級來形容:「我哋由7點鐘開始錄音,12點都未夠,佢(阿Lam)已經錄好咗3隻歌,唱好晒啦。」

+3
+3
+3

難忘泳兒高水準演繹《天若有情》

至於錄音過程花較長時間的,Hi-Fi德就提到2018年泳兒翻唱袁鳳瑛經典金曲《天若有情》時(收錄於發燒專輯《Fever》)的經歷:「唔係代表佢唱唔到,又唔係唱甩咗或者走音。其實佢(泳兒)take take都唱得好好,但係唱到第十幾take,忽然間有一次,全部人一聽就呆晒,我就知道係呢take啦,個magic(錄音講究的magic moment)出咗嚟啦。」泳兒坦言想過放棄:「初初完全係搵唔到用咩方法去唱,嗰日都錄咗十幾個take,幾乎想放棄㗎喇。但係對自己音樂冇信心嘅時候,佢就會畀好多鼓勵,同我講『你一定得嘅!』」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。