陳柏宇直播音樂會被網民懷疑錄播反而覺得開心:證明係一個好演出

撰文:
最後更新日期:

陳柏宇(Jason)昨晚(20/8)舉行線上演唱會,並邀請小塵埃、葉巧琳(Mischa)、黃妍(Cath)及今年樂壇新人Michael C擔任表演嘉賓,在一間黑膠唱片店一起Jam歌。他在演唱會前更特別提醒觀眾:「咁耐無見... 大家記得由頭睇到尾,我留咗隻彩蛋俾大家,係咩就梗係唔會而家講住,到時記得睇 live,我希望你哋會鍾意。」原來彩蛋正是Jason從未曝光的新歌《感情這回事》。

(左起)Michael C、Mischa、Cath及小塵埃獲邀與Jason在線上演唱會Jam歌。

演唱會先以Jason及Michael C翻唱Shawn Mendes的《There’s Nothing Holding Me Back》揭開序幕,其後Cath、小塵埃及Mischa緊接出場,而Jason在選曲上亦配合一眾師弟妹的新歌,甚至唱出過去較少現場演繹的《想創》、《交叉神經》等歌曲,讓喜愛Jason專輯裡Side track的朋友十分驚喜。除此之外,Jason 於昨晚的音樂會上亦首度公開2020 年首支作品《感情這回事》,有網民聽到後都直言:「情歌王子番(返)嚟啦!」

對於今次與師弟妹線上開 Live,Jason表示:「緊張但開心,最主要因為好耐冇做咁大型嘅Show,唔講唔知,呢個Show嘅籌備以至器材,都足以撐到一個小型體育館嘅演出場地。我好滿意今次嘅演出,雖然仍有甩漏,但演出前一晚同大家綵排到3點,然後演出前又再綵排多兩次,大家都冇瞓過,都算係咁,希望日後開Live都可以Keep到呢個水平。」

+5
+5
+5

其實在音樂會前段曾發生了一段小插曲,就是網民看到演出時,一度以為音樂會是以錄播形式進行,結果要工作人員即時在 Jason的IG帳戶裡開live展示現場演出實況,然後Jason又於音樂會尾聲時親自報時,大家才恍然大悟,他在演唱會中更笑指:「你估搞一個你認為係pre-recorded嘅音樂會真係咁易㗎?」Jason、Jonathan@小塵埃及Michael C更希望告知各位觀眾:「呢個係 Live 嚟!點解唔係Live呢?因為實在做得太好,Visual做得太完美,不過呢個先係應有嘅水準,如果你有惻疑呢個係咪Live演出,就證明我哋呢個係一個好嘅演出啦!」

網民一度以為音樂會是以錄播形式進行,結果要Jason於音樂會尾聲時親自報時,大家才恍然大悟。他在演唱會中更笑指:「你估搞一個你認為係pre-recorded嘅音樂會真係咁易㗎?」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。