馮允謙推薦弟弟挑戰《聲夢傳奇》練膽：我知佢會驚！

無綫（TVB）早前宣布舉辦全新音樂選秀節目《聲夢傳奇》，9年前曾參加《超級巨聲3》的馮允謙（Jay），今日（9/9）現身ViuTV為音樂節目《Chill Club》錄影時，便被問到會否推薦孖生弟弟馮重謙（Tim）參加，他認為Tim較害羞，要他挑戰陌生的舞台有一定難度。

馮允謙和弟弟不時一起錄製翻唱作品，他覺得Tim在鏡頭前唱歌沒有問題，但在舞台上表演就會異常緊張：「現場要準備好多嘢，上到台又會有好多嘢諗，會好緊張，可能會唱錯、走音，就會畀自己好大壓力。（你覺得細佬會驚？）我知佢會驚，但係我覺得（膽量）係有得訓練嘅。如果佢有心唱，而佢又想（參加），我都想陪佢參加。」

早前馮氏兄弟一起出席活動，被問到弟弟是否已經有意踏足娛樂圈，馮允謙指：「我成日見到佢出去拍廣告，成日Post好多靚相，所以我覺得佢已經係藝人。但係佢同我講唔係，只係KOL。但係而家KOL同藝人有分別咩？兩樣嘢都係一樣！」