E-kids成功開騷兼加場？ Tommy：希望畀最後機會我哋！
撰文：許栢倫
出版：更新：
三子尋晚開會後，決定網上集氣用數字說服贊助商。(網上圖片)
曾被戲稱為MK-POP始祖的組合《E-kids》，年中宣布重組兼開騷，粉絲們當然支持。不過多月來只聞樓梯響，尋晚終於再有動向，在社交網集氣開騷。「這個post的like數將會決定了我們是否會切實舉辦這次演唱會！」令粉絲大為緊張，一出即有3千多個LIKE，及200多個分享，以人數計開九展都絕不是問題！
成員Tommy(阮民安)就話，其實個POST都係向贊助商派定心丸，事關今次演唱會「不止一場」！他更指：「E-kids一路畀人感覺有些負面，籌備演唱會中間一直有挫折，本身投資的單位信心唔夠，係咪真係可以開大些的場地？」被問到確實開騷日期，他就表示：「2017年農歷新年前，是Weekend來的，有氣氛啲！」
「今次唔係想一炮而紅，只是想有個回憶。希望曾經鍾意我們的人，比多次機會我們在舞台上，表演多次畀大家睇。」
最後一次
Tommy坦言今次絕對是E-kids最後一次機會，假如成績未如理想，將會離開幕前。Tommy表示：「（成績唔好）仲唔轉行咩？直頭要蓋棺！」他又解釋自己對他有誤解：「我呢幾年基本上離開幕前好耐，開左自己的製作公司，只是『Tommy』久不久被人拿出來講，例如會考﹑欠債新聞又會出現，係唔同媒體關照我，我是比較有話題性的人，大家對我生活都好關心，冇辦法。」
他又謂E-kids多年來形象麻麻，令人卻步，希望大家畀多次機會他們。不過，E-kids其實好有信心。「如果呢個騷賣得好，我們很快會更大的場地繼續做！」但Tommy都不忘帶定頭盔：「希望在網上打氣的朋友，到時真係見到佢地啦！」
年中宣布重組後，氣勢強勁至今。(網上圖片)