林家謙包辦《一人之境》曲詞編監 大熱歌竟然係「賣淨貨」

撰文:陳芷穎
出版:更新:

唱作歌手林家謙(Terence)今日(3/11)現身中環出席綠色音樂會啟動禮,受到疫情影響,他已有一段長時間沒有在觀眾面前唱歌:「呢段時間數一數二有觀眾嘅Occasion。(有觀眾特別投入?)有冇觀眾我都係投入自己世界,我成日都當周圍冇人咁唱,我會舒服啲。」

林家謙現身中環出席綠色音樂會啟動禮,受到疫情影響,他已有一段長時間沒有在觀眾面前唱歌。(梁碧玲攝)

家謙即場獻唱了兩首個人作品,包括《一人之境》以及《Just Carry On》。其中《一人之境》更是由家謙一手包辦曲、詞、編,監,他分享了歌曲創作背後的故事,除了講出自己內向的性格外,更令他思考在疫情期間如何自處:「某程度上講緊自己,我係一個內向嘅人。有時好多新朋友嘅場合就會覺得唔舒服,點樣同大家Connect到係一個大難題。自己唔識去Icebreak,想道出一班人一齊,看似好多人陪住你,其實你都會覺得寂寞,好似抽離咗又或者格格不入咁。我相信唔少人都好有共鳴,想講自己呢方面嘅性格。」

《一人之境》更是由家謙一手包辦曲、詞、編,監,他分享了歌曲創作背後的故事。(IG/ @terencelam0903)

他續說:「第二係疫情關係,大家真係變咗一人之境,甚至係四人之境,就開始諗身邊淨返咁少朋友係咪一件壞事。亦思考平時嘅相處好緊要,唔可以覺得每分每秒都好多人陪住,而自己唔識同自己溝通,都係呢首歌嘅訊息。」原來《一人之境》的曲是家謙五、六年前的創作,他笑言是「賣淨貨」:「呢首歌係五、六年前嘅Melody,係最舊賣淨嘅Demo,自己攞埋嚟唱。」

點撃睇更多活動靚相:

+5