【音樂說】蔡一傑難忘張國榮點唱草蜢代表作:特登走嚟同我講好掂

撰文:劉傳謙
出版:更新:

草蜢三子當年比賽落選後,因獲梅艷芳賞識而被提攜出道。其中一員蔡一傑接受港台節目《音樂說》訪問時,亦不忘緬憶已逝恩師。他記得與梅姐初次邂逅於比賽面試,在草蜢表演途中,場地突然停電,眼前一片昏暗,梅姐立即著在場眾人冷靜,指導工作人員點燃蠟燭,期間與草蜢聊天得知他們親自填詞及編舞,留下了良好印象。

蔡一傑接受《音樂說》訪問。(香港電台第二台提供)

梅姐性格直率親民,早年更特意家訪草蜢︰「佢想了解屋邨仔嘅生活,想嚟我屋企做家訪,我就立刻搵埋隔離鄰居做保安,由佢一落車就要手拉手阻擋人群。我屋企好簡陋,只係得張摺櫈畀佢坐,但佢完全冇架子,好理解基層屋邨生活係咩一回事。」

梅艷芳在蔡一傑眼中十分親民,她更曾為草蜢做家訪。(視覺中國)

談起另一樂壇傳奇人物張國榮,不得不提由蔡一傑作曲,草蜢代表作之一《怎麼天生不是女人》。這首代表草蜢成長的重要里程碑,原來是哥哥的至愛。蔡一傑記得,哥哥更曾在羅文生日會上特意點唱此歌送給自己︰「Leslie 特登走嚟同我講好鍾意呢首歌,話『好掂呀!』喺生日會途中,佢突然點唱《怎麼天生不是女人》,二話不說就跳上火爐平面上當舞台唱歌。一個偶像喺咁私人嘅場合,將我嘅作品唱畀我聽,真係好開心,人生無憾。」

張國榮最愛草蜢的《怎麼天生不是女人》。(資料圖片)

至於蔡一傑心中的草蜢代表作,就是《寶貝對不起》,原來當中蘊含既靈異又感動的故事。他指上海一家百貨公司連續十年定時播放《寶》,因傳聞指該公司前身是亂葬崗,不時出現小孩靈體搗亂,公司高層播放此曲後,便不再發生奇怪事︰「因為首歌嘅歌詞『寶貝,對不起』好似對佢哋(鬼魂)道歉咁。」《寶》在上海慰藉亡靈,在隔岸台灣則安撫生者︰「台灣監獄入面嘅囚犯,做咗好多錯事,佢哋會寫信去電台用『寶貝,對不起』開首,向家人同對唔住嘅人講對不起。自己嘅音樂可以感動咁多人,真係人生無悔。」

+15

成長於基層家庭的蔡一傑,提及童年回憶最深刻的畫面,莫過於母親啟發及培育他的舞蹈興趣︰「細個嘅娛樂就係喺屋企同阿媽一齊聽歌,佢教我跳舞,我會喺地下灑爽身粉等個人跣啲,然後我哋就拖住手跳《The Twist》,好開心!」他十分感激母親贈予他的美妙聲線,並為日後出道播下歌唱表演的種子。

發表評論...