全民造星III|龔柯允人靚聲甜成功入圍 林二汶反狠批:有啲見底

撰文:邱愛霖
出版:更新:

ViuTV綜藝節目《全民造星III》昨晚(5/11)播出第四集,眾參賽者陸續出場參與前哨戰,爭奪50個入圍名額。最新一集中,現年35歲,入行13年的馬來西亞歌手龔柯允(Karen)出場演唱英文歌獲得三盞藍燈通過,雖然成功晉級,但評判郭偉亮(Eric Kwok)直言:「覺得(你)冇喺個heart度唱出嚟。」

Karen演唱英文歌《In Love Again》,Eric Kwok坦言她的演出有「一百分」,但直言演唱時不夠誠意。(影片截圖)

Karen演唱英文歌《In Love Again》,Eric Kwok坦言她的演出有「一百分」,但指她演唱時不夠誠意。

而導師林二汶雖然開頭滿心期待,惟她後來開始蹙眉沉默,最後並沒有挑選到Karen。事後林二汶解釋,不揀選Karen的原因是認為她「有啲見底」,「因為佢係Casting已經表現咗佢最好嘅嘢,咁佢一定會比其他人優勝啲嘅,佢係一個好嘅歌手嚟。但我就真係睇唔到個空間喺邊,啫係我睇唔到跟住落嚟個可能性喺邊度。呀!應該咁講,我對佢唔好奇。」不過Karen最後都成功入圍,被撥入彭秀慧的組別。

25歲的沈瞳伽 (Esta)被派入復活區後,在後台鬧爆評判。(影片截圖)

今集另一亮點是入行5年,25歲的沈瞳伽 (Esta)。Esta面試時已被批其衣着品味、髮型、身形需要改善,又指面試照片和真人相差甚遠。Esta演唱完畢後未能成功入圍,需要復活區等待候補位置。他於台上懇求評判多給他一盞藍燈,卻獲評判一致拒絕。事後他心有不甘,在台後鬧爆:「究竟呢個比賽,評判評分嘅準則,係咪足夠專業?條界線喺邊度?係咪對每一個人都一視同仁?其實依家我哋唔係玩緊比賽,係畀人玩揀老婆、揀老公。完全睇唔出呢個係一個比賽!」

另外,前晚(4/11)第三集出場的參賽者江宏基(Timothy)街舞表現出色,有網民大讚他型爆、有水準兼有實力,「睇到我流口水」。有人認為他十足十前無綫主播柳俊江,更封其為「跳舞嫩版柳俊江」。

全民造星III|李昭南性感唱跳《Cazzo》 椅子舞大騷長腿好誘人